ხულოს მხარეთმცოდნეობის მუზეუმი

ხულოს მხარეთმცოდნეობის მუზეუმი აჭარაში, ხულოში, ტბელ აბუსერიძის ქუჩის 9 ნომერში მდებარეობს. იგი 1983 წელს დაარსდა. მუზეუმში ძირითადად დაცულია აჭარის ყოფისა და ეთნოგრაფიის ამსახველი მასალები, ΧΙΧ-ΧΧ სს-ების შრომის იარაღები, სპილენძისა და თიხის ჭურჭელი, გამოყენებითი ხელოვნების ნაწარმი, ნაქარგები, ნუმიზმატიკა, ისტორიის ამსახველი მასალები და სხვა. აქ წარმოდგენილი ექსპონატები ხულოს მუნიციპალიტეტის ისტორიას ასახავენ. მუზეუმი რამდენიმე განყოფილებისგან შედგება: ეთნოგრაფია, სკულპტურა, არქეოლოგია, ნუმიზმატიკა, ისტორიის ამსახველი ფოტომასალები და გრაფიკა. აქ, საგანმანათლებლო პროგრამის ფარგლებში, წინასწარი შეთანხმებით, შესაძლებელია სამუზეუმო გაკვეთილების ჩატარებაც. ხულოს მხარეთმცოდნეობის მუზეუმი ერთ-ერთი საინტერესო ადგილია ამ რაიონისა და ზოგადად აჭარის ყოფა-ცხოვრებისა და ისტორიის გასაცნობად.