კიანეთის დარბაზული ეკლესია

კიანეთის დარბაზული ეკლესია მდებარეობს ქვემო ქართლში, ბოლნისის მუნიციპალიტეტის სოფელ კიანეთის განაპირას სასაფლაოზე.

ეკლესია დიდი არასწორი მოყვანილობის ქვებითაა ნაგები. შენობის სამხრეთი კედლის შუა ნაწილში კარია გაჭრილი. შენობის ოთხივე სარკმელი (თითო აღმოსავლეთ და დასავლეთ კედლებშია და ორი სამხრეთ კედელში) ამოქოლილია. ეკლესიას კამარა და კონქი აღარ აქვს და იგი ძელურადაა გადახურული. ახლა უკვე დანგრეული შეკიდული მზიდი თაღი, რომელიც ეკლესიის შუა ნაწილში იყო, საკურთხევლის სიახლოვეს, ჩვილ ბავშვთა მოსანათლი ემბაზია ნიშაში მოწყობილი. ეკლესიის კედლებში ადრე შუა საუკუნეების სტელათა ფრაგმენტებია ჩადგმული. სამხრეთი კედლის დასავლეთ ბოლოში სარკმლის ბაცი მომწვანო ფერის ქვის დაჩუქურთმებული საპირის ფრაგმენტია ჩაშენებული, იგი მე-13 საუკუნის მიწიურულისა ან მე-14 საუკუნის პირველი ნახევრის ქართული ქვაზე კვეთილობის ნიმუშია. ეკლესიის აღმოსავლეთ ფასადზე გვიანი შუა საუკუნეების სომხური ხელოვნებისთვის დამახასიათებელი ჩაკვეთილი ჯვრებია გამოსახული. ლ. მუსხელისვილის თანახმად, ამ ეკლესიის სამხრეთ კედელზე, შესასვლელთან, ორი ჩაკვეთილი ჯვრის სიახლოვეს, 1516 წლით დათარიღებული სომხური წარწერაა: ,,უფალო ღმერთო, იესო ქრისტე, შეიწყალე ბატონი სარგის დეკანოზი სულისა მიერ. - 965 (1516 წ). გრიგოლ ხუცესი მონაი“.