კოშკი ძამის ხეობაში (II)

გვერძინეთის კოშკი შიდა ქართლის მხარეში, ქარელის მუნიციპალიტეტში, სოფელ გვერძინეთის განაპირას, მდინარე ძამის აღმოსავლეთ ნაპირზე მდებარეობს. იგი XVI საუკუნის ძეგლია. ნაგებობა პირამიდულია და ნაგებია ნატეხი ქვით, წესიერი წყობით. კოშკის ზედაპირი მოსწორებულია. დღესდღეობით შემორჩენილია ხუთი სართული, მეხუთე სართულის ზედა ნაწილი ჩამონგეულია. მიწიდან 4 მეტრის სიმაღლეზე, მეორე სართულის სამხრეთ კედელში, გაჭრილია შესასვლელი. მეორე სართულის სამხრეთ კედელში ორი სათოფურია, დასავლეთისაში - ერთი, მესამე სართულზე ერთი სათოფურია, მეოთხეზე - ყოველ კედელში თითო, მეხუთე სართულზე კი სამ კედელში თითო სათოფურია, მეოთხეში - მოზრდილი ხვრელობი (სარკმელი). პირველი სართული ყრუკედლებიანი დამხმარე სათავსია. სოფელში არის მეორე კოშკიც.

როგორ მივიდეთ

სოფელი გვერძინეთი შიდა ქართლის მხარეში, ქარელის მუნიციპალიტეტში, თრიალეთის ქედის ჩრდილოეთა კალთაზე დებარეობს, ქარელიდან 21 კმ-ში. სოფელში მიდის სამანქანო გრუნტის გზა.