კურორტი კურსები

კურორტი კურსები იმერეთის მხარეში, ტყიბულის მუნიციპალიტეტში მდებარეობს, ზღვის დონიდან 350 მეტრზე. იგი ბალნეო-კლიმატური კურორტია. კურსებში ზღვის ნოტიო სუბტროპიკული ჰავაა, თბილი ზამთრითა და ცხელი ზაფხულით. იანვრის საშუალო ტემპერატურაა 3,5, ივლისისა კი - 21,5. მწვანეში ჩაფლული კურორტი ლამაზი ბუნებით გამოირჩევა და შესანიშნავია განტვირთვისთვის. თუკი მშვიდი დასვენების მოყვარული ხართ ეს ადგილი ნამდვილად მოგეწონებათ. კურორტის ძირითადი სამკურნალო ფაქტორია დაბალი მინერალიზაციის მინერალური წყალი, რომელსაც აბაზანებისათვის იყენებენ. წერილობით წყაროებში კურსები XV საუკუნიდან იხსენიება, თუმცა ადამიანის ცხოვრები კვალი აქ ანტიკური ხანიდან იწყება. სოფელი კულტურული ძეგლებითაც მდიდარია, აქ სამი კოშკი და ხუთი ეკლესიაა შემორჩენილი. კურსებში შეგიძლიათ მოინახულოთ: კურსების ზენობნის ეკლესია, დედაღვთისას მონასტერი, მთავარანგელოზთა ეკლესია, პეტრე-პავლობის ეკლესია, საკვირაო ეკლესია, კურსების ნაციხარი, ბერეკაშვილების კოშკი და დედაღვთისას ნაეკლესიარი.