ქვასაყდარა

მესხეთის ქედის სამხრეთ ფერდობზე, სუბალპურ და ალპურ ზონაში, არაერთი ვულკანური წარმოშობის ქვასვეტია აღმართული, რომლებიც დენუდაციური შთენილების სახით არის შემორჩენილი. ქვასვეტები ბუნებრივი კლიმატური პირობებისა და ატმოსფერული ნალექების ზემოქმედების შედეგად გარდაიქმნა და საინტერესო ბუნებივი ქვასვეტების ფორმა მიიღო. კურორტს საირმის სამხრეთ-აღმოსავლეთით, მდინარე წაბლარას აუზში, ზღვის დონიდან 2205 მეტრ სიმალეზე, ადგილ ,,წითელმინდორის” ზედა ნაწილში მდებარეობს რამდენიმე ქვის სვეტი, რომლებსაც ადგილობრივები ,,ქვასაყდარას” უწოდებენ. ეს ტურისტული ობიექტი მდებარეობს ბაღდათი-საირმე-აბასთუმანი-ახალციხის საავტომობილო გზის შუა მონაკვეთზე. ამ ადგილიდან საინტერესო პანორამული ხედები იშლება როგორც მესხეთის ქედის მიმართულებით, აგრეთვე მდინარე წაბლარასწყლის ხეობაზედ. საინტერესო ადგილია ბერდვოჩერებისათვის (ორნეტოლოგები), რადგანაც ამ ტერიტორიაზე ჩრდილოეთიდან სამხრეთისაკენ, ძირითადად მიგრირებენ სხვადასხვა მტაცებელი  ფრინველები, რომელიც ყველაზე მეტ ინტერესის სფეროს წარმოადგენენ ვიზიტორებისათვის. მანძილი ქვასაყდარადან თბილისამდე 265 კმ. ბაღდათამდე  40 კმ. ქუთაისამდე 70 კმ.