ქვედა გორის წმინდა გიორგის ეკლესია

ქვედა გორის წმინდა გიორგის სახელობის ეკლესია იმერეთის მხარეში, ვანისმუნიცი პალიტეტის სოფელ ზედა გორში მდებარეობს. იგი XIX საუკუნის ჯვარგუმბათოვანი, ჩახაზული ჯვრის ტიპის ტაძარია, რომელიც აღმოსავლეთით გარეთ გამოსული აფსიდით სრულდება. ნაგებობას აქვს წრიული, რვასარკმლიანი გუმბათი. შესასვლელი ორია, დასავლეთიდან და სამხრეთიდან. ორივე შესასვლელი სწორკუთხაა, აქვთ სადა მოჩარჩოება, კარის თავზე, თაღებში, რელიეფური დეკორებია განთავსებული. სარკმლები თაღოვანია და მარტივი პროფილის მქონე მოჩარჩოებითაა გაფორმებული. ტაძარს დასავლეთიდან მიშენებული აქვს სამსართულიანი სამრეკლო, რომელიც ამავდროულად კარიბჭესაც წარმოადგენს. პირველი სართული სამი მხრიდან თაღებითაა გახსნილი, მეოთხე მხარეს (აღმოსავლეთის) კი ეკლესიაში შესასვლელი კარია. მეორე სართულზე სამხრეთიდან და ჩრდილოეთიდან თაღოვანი ღიობებია გაჭრილი, დასავლეთისა და აღმოსავლეთის კედლები ყრუა. მესამე სართული, რომელიც ზარებისთვის არის განკუთვნილი, ოთხივე მხრიდან ორმაგი თაღედითაა გახსნილი. თაღები მარტივი კაპიტელების მქონე სვეტებს ეყრდნობა. ეკლესიის ფასადებს სადა ლავგარდანი შემოუყვება. ტაძარი ნაგებია თლილი ქვით.

როგორ მივიდეთ

სოფელი ქვედა გორა იმერეთის მხარეში, ვანის მუნიციპალიტეტში, მდინარე ფერეთის ხეობაში მდებარეობს, ვანიდან 18 კმ-ის დაშორებით. ქვედა გორის ქაშუეთის ეკლესიასთან მიდის სამანქანო გზა.