კვერეთი

კვერეთი იმერეთის მხარეში საჩხერის მუნიციპალიტეტში მდებარეობს, ზღვის დონიდან 570 მეტრზე. იგი დაბალმთიანი ბალნეო-კლიმატური კურორტია. ძირითადი სამკურნალო ფაქტორი დაბალი მინერალიზაციის წყალია, რომელსაც აბაზანებისათვის იყენებენ. წყლის ტემპერატურაა 16°C. კვერეთისთვის დამახასიათებელია რბილი ზამთარი და ზომიერად ნოტიო ზაფხული. იანვრის საშუალო ტემპერატურაა 2,0-3,0°C, ივლისისა კი - 20,0°C. კურორტი ლამაზი ბუნებით გამოირჩევა. მწვანეში ჩაფლული გარემო, ტყეები, მთები, სუფთა ჰაერი და სიმშვიდე შესანიშნავია განტვირთვისთვის. თუკი მშვიდი, კომფორტული დასვენება გსურთ, კვერეთი ამისთვის ერთ-ერთი შესანიშნავი ადგილია.