მანგლისი - თხინვალა - მანგლისი

სალაშქრო მარშრუტი მანგლისი - თხინვალა - მანგლისი, ალგეთის ეროვნულ პარკში მდებარეობს.

ბილიკი არის წრიული, იწყება და სრულდება დაბა მანგლისში. ბილიკის სიგრძე არის 15.5 კმ.

ბილიკი მარკირებულია, თუმცა სასურველია გქონდეთ ტრეკი რათა ადვილად გაიკვლიოთ გზა.

ლაშქრობას იწყებთ ზღვის დონიდან 1990 მეტრზე და უმაღლეს წერტილზე ადიხართ 1530 მეტრზე. ბილიკი არის მარტივი სირთულის. ძირითადად მიუყვება სატყეო გზას და ნაწილობრივ ახალ გაჭრილ სალაშქრო ბილიკს. ეს მარშრუტი შესაძლებელია გაკეთდეს 1 დღეში, ან გაანაწილოთ 2 დღეზე და დარჩეთ აქ არსებულ თავშესაფარში. თავშესაფართან მოწყობილია საკემპინგე სივრცე და არის საპირფარეშო. თავშესაფარში დარჩენა ფასიანია და რეგისტრაცია უნდა გაიაროთ მანგლისში არსებულ ვიზიტორთა ცენტრში. თავშესაფარი დაკეტილია და დაგჭირდებათ გასაღები ვიზიტორთა ცენტრიდან.

ლაშქრობის საშუალო ხანგრძლივობა არის 8 საათი.