მარანი სევსამორა

მარანი სევსამორა დაარსდა 2015 წელს. იგი წარმოადგენს როგორც ტურისტულ, ასევე  საგანმანათლებლო და სამეცნიერო კვლევით ობიექტს.

მარანი სევსამორას ძირითადი  მიზნებია:

• საქართველოში ორგანული მევენახეობა-მეღვინეობის განვითარება;
• სერტიფიცირებული ბიო პროდუქტის წარმოება;
• ქართლის რეგიონის მევენახეობა-მეღვინეობის დარგის განვითარებაში მნიშვნელოვანი წვლილის შეტანა;
• ქართლის რეგიონში ღვინის ტურიზმის განვითარება;
• ადგილობრივ და მსოფლიო ბაზარზე ქართული იშვიათი და მივიწყებული ვაზის ჯიშებისაგან დაყენებული ღვინოების წარმოჩენა;

ბიო ვენახები

მარნის საკუთრებაში 7 ჰექტარი ვენახი. აქედან 4 ჰექტარზე გაშენებულია ბიო ვენახები, რომელსაც კავკასერტის მიერ მიენიჭა ოფიციალური ბიო ვენახის სტატუსი, 2019 წლის, ივლისის თვეში. ბიო ვენახებში მუშაობის პრაქტიკა დაფუძნებულია ორგანურ მეურნეობაზე, რაც გულისხმობს ორგანულად სუფთა, ბიო პრეპარატების გამოყენებასა და მიწის ბიო მკვებავებით განოყიერებას. თითოეული ჰექტარი დამუშვებულია ხელით, ორგანული მეურნეობის შესაბამისი წესების დაცვით.

ბიო ვენახებში გაშენებულია ვაზის შემდეგი ჯიშები: საფერავი, ქისი, ხიხვი, ჩინური, გორული მწვანე, ასევე იშვიათი ჯიშები : ბუზა, სიმონასეული, კაბერნე ფრანი, დანახარული, ასურეთული შავი, თავკვერი, შავკაპიტო

ბიო-ორგანური მეღვინეობა

მარანში 300 მ² ტერიტორიაზე განთავსებულია ქვევრები და უახლოესი, თანამედროვე Bucher Vaslin-ის ფირმის დანდგარები. მარანი დღეის მდგომარეობით აწარმოებს მხოლოდ ქვევრის ღვინოს, რომელიც დაყენების თითოეულ ეტაპზე გადის ლაბორატორიულ შემოწმებას.

2019 წელს მარანმა ჩამოასხა 7 სახეობის , 20 000 მდე ბოთლი, რომელიც დაყენებულია ქართული ტრადიციული მეთოდით, ქვევრში. 2020 წელს კი ქვევრის ღვინის მოთხოვნიდან გამომდინარე, მისი რაოდენობა 45 000 ბოთლამდე გაიზრდება, საიდან დაახლოებით 25 % ბიო ღვინის წარმოებას დაეთმობა.

მარანი სევსამორა როგორც ტურისტული ობიექტი

მარნის ტერიტორიაზე  განთავსებულია რეკრიაციული ზონა და სადემონსტრაციო ვენახები, ტერასების სახით, სადაც გაშენებულია 50-მდე ვაზის საკოლექციო ჯიში. მარანი გთავაზობთ ღვინის დეგუსტაციებს, ტურებსა და მასთან დაკავშირებულ აქტივობებს.

მარანი სევსამორა როგორც საგანმანათლებლო და კვლევითი ცენტრი:

• მარნის საკუთრებაშია ღვინის მუზეუმი, სადაც სტუმარს საშუალება აქვს ერთ დღეში იმოგზაუროს ქართული ღვინის სამყაროში დასაბამიდან დღემდე. გაეცნოს მის კულტურასა და ტრადიციებს. 
• ღვინის მუზეუმის ნაწილია ენოთეკა - ღვინის საცავი, სადაც ინახება მარნის ღვინოები.
• სადეგუსტაციო სივრცე-სტუმრებს საშუალება ეძლევათ პროფესიონალურ გარემოში დააგემოვნონ ღვინო.
• ღვინის სალონი-სივრცე, რომელიც განკუთვნილია სხვადასხვა სახის შეხვედრებისთვის და რაც მთავარია განტვირთვისთვის.