მარტვილის კანიონი

მარტვილის კანიონის შესახებ

საუკეთესო პერიოდი: ზაფხული, მაისი, სექტემბერი, ოქტომბერი

მარტვილის კანიონი - ბუნების ძეგლი სოფელ გაჭედილში, მარტვილის მუნიციპალიტეტში, სამეგრელოს მხარეში, ზღვის დონიდან 210 მეტრზე. მარტვილის კანიონის ვიზიტორთა ცენტრი კანიონის შესასვლელთანაა განთავსებული.

ბუნების ძეგლი წარმოადგენს მდინარე აბაშის მიერ აბდათის კირქვული ქანებით აგებულ ანტიკლინში, კანიონისებურად გაჭრილ ხეობას. კანიონის სიგრძე 2400 მ-ია, ჩაჭრის სიღრმე 20-30 მ, ხოლო სიგანე 5-10 მ. კანიონის შუა წელში წარმოიშობა 12-15 მ სიმაღლის ვარდნის მცირე ჩანჩქერები. ერთი მონაკვეთი გამოირჩევა განსაკუთრებული სილამაზით. ეს არის ოფუცხოლე, რომელიც ცნობილია “დადიანების საბანაოს” სახელით.

ქვით მოკირწყლული 700 მ-ის სიგრძის წრიული საფეხმავლო ბილიკი ვიზიტორთა ცენტრიდან იწყება და გაივლის დადიანების ისტორიულ ბილიკს. ბილიკზე განლაგებულია 2 ხიდი, 3 გადასახედი პლატფორმა, კირქვის დიდი ლოდებისგან აშენებული 30 საფეხურიანი ისტორიული კიბე.

ვიზიტორებს ასევე შესაძლებლობა აქვთ გაისეირნონ ნავით მდინარე აბაშის 300 მეტრიან (ერთი გზა) მონაკვეთზე და დატკბნენ მთის მდინარის კანიონის ულამაზესი ხედებით. სანაოსნო მარშრუტით სარგებლობისათვის ვიზიტორის სიმაღლე უნდა აღემატებოდეს 1 მ-ს.

შენიშვნა:

- ვიზიტორთა უსაფრთხოებისათვის, სანაოსნო მონაკვეთზე გასვლა წვიმასა და თოვლში აკრძალულია წყლის დონის მომატებიდან გამომდინარე.

- ტურები ხორციელდება მთელი წლის განმავლობაში. აქტიური სეზონი გრძელდება აპრილიდან ოქტომბრის ჩათვლით.

- ნავის მართვაში მენავესთან ერთად მონაწილეობენ ვიზიტორებიც.

- ნავში შესაძლებელია 6 ადამიანის განთავსება.

მდებარეობა: 42.456509, 42.376134; 595 80 54 55; samegrelo.okatse@gmail.com; დღეს:

ორშაბათი: დაკეტილია

სამშაბათი: 10:00 - 19:00

ოთხშაბათი: 10:00 - 19:00

ხუთშაბათი: 10:00 - 19:00

პარასკევი: 10:00 - 19:00

შაბათი: 10:00 - 19:00

კვირა: 10:00 - 19:00
მანძილი დედაქალაქიდან: 288 კმ
რეკომენდებული დრო: 2 საათი

დაიქირავე გიდი

ჩვენი გიდები მზად არიან დაგეხმარონ ამ ადგილის მონახულებაში

ფოტო & ვიდეო გალერეა

იხილეთ ასევე

სიის ნახვა

სტანდარტული ტოპოგრაფიული სატელიტური

ფასები

მომსახურება და ღირებულება

6 წლამდე ბავშვებისთვის	უფასო
არასწრულწლოვანებისთვის (6 წლიდან 18 წლამდე)	5.50 ₾
საქართველოს მოქალაქეებისთვის და რეზიდენტი პირებისთვის გარდა არასრულწლოვანებისა (საჭიროა პირადობის მოწმობის დამადასტურებელი საბუთის წარდგენა!)	10.35 ₾
სხვა ქვეყნის მოქალაქეებისთვის, გარდა არასწრულწლოვანებისთვის	17.25 ₾
მოსწავლეთა და სტუდენტთა ჯგუფის ვიზიტის დროს, ერთი სკოლის, კოლეჯის ან სასწავლო უნივერსიტეტის პედაგოგი	უფასო
ტურისტული სააგენტოს გიდები (ხელშეკრულების არსებობის შემთხვევაში)	უფასო
სამოქალაქო ქორწინების გაფორმების ცერემონიალი	100 ₾
კანიონში ყვინთვა	57.50 ₾
სანაოსნო ბილეთის ღირებულება	15 ₾