მენჯი

კურორტი მენჯი სამეგრელოში, სენაკის მუნიციპალიტეტში მდებარეობს, ზღვის დონიდან 29 მეტრზე. იგი ბალნეოლოგიური კურორტია, რბილი, უთოვლო ზამთრითა და ძალიან თბილი, ზომიერად ნოტიო ზაფხულით. მენჯი სუპტროპიკული ჰავის ოლქშია, იანვრის საშუალო ტემპერატურაა 5,2 °C, აგვისტოს საშუალო ტემპერატურა კი - 23,0 °C. კურორტის ძირითადი სამკურნალო ფაქტორია გოგირდწყალბადიანი ქლორიდულ-ნატრიუმიანი მინერალური წყალი, რომელსაც აბაზანებისათვის იყენებენ. მენჯი ლამაზი ბუნებით გამოირჩევა, მთები, ტყეები და სუფთა ჰაერი მრავალ დამსვენებელს იზიდავს. თუკი ბუნების სიმშვიდეში კომფორტული დასვენება გსურთ, იგი ამისთვის ერთ-ერთი შესანიშნავი ადგილია.

მენჯში მდებარეობს IV-VI საუკუნეებით დათარიღებული მენჯის ციხე.