მერაბ კოსტავას მემორიალური სახლ-მუზეუმი

მიუხედავად ხელოვნების სხვადასხვა დარგის სიყვარულის და არაერთ სფეროში ძალების მოსინჯვისა, მერაბ კოსტავას სახელთან ყველაზე მეტად დაკავშირებულია ეროვნულ-განმათავისუფლებელი მოძრაობა. ანტიკომუნისტური შეხედულებების დაუფარავად გამოხატვისთვის მისი დაპატიმრება სკოლის ასაკიდან იწყება, როდესაც ზვიად გამსახურდიასთან და სხვა რამდენიმე თანამოაზრესთან ერთად ჩამოაყალიბა „გორგასლიანი“. მიუხედავად რეპრესიებისა და გადასახლებისა მას არასოდეს შეუწყვიტავს ბრძოლა დამოუკიდებლობისთვის.

ამ სახლში ნახავთ მის მუსიკალურ კოლექციას, ხელნაწერებს, მისი ხელმძღვანელობით გამოცემულ არალეგალურ გაზეთებს, მოძრაობის ფოტო მასალას და სხვა პირად ნივთებს. ეს ყველაფერი კი კიდევ უფრო კარგად გაგაცნობთ მას, ვინც მნიშვნელოვნად შეცვალა საქართველოს უახლესი ისტორია.