ორბელიანის (კოლმეურნეობის) მოედანი

ორბელიანის (კოლმეურნეობის) მოედანი

ტერიტორია

ორბელიანის (კოლმეურნეობის) მოედანის შესახებ

საუკეთესო პერიოდი: ყველა სეზონი

ორბელიანის (კოლმეურნეობის) მოედანი თბილისის ერთ-ერთი პოპულარული ადგილია. იგი თაბუკაშვილის, ფურცელაძისა და ვეკუას ქუჩებს შორის მდებარეობს. მოედანზე პატარა, თუმცა ძალიან ლამაზი ბაღია მოწყობილი, რომლის ცენტრშიც შადრევანი დგას. ორბელიანის მოედანი განსაკუთრებით ცნობილია ყვავილების ბაზრობით. ათასგვარი ყვავილებით აფერადებულ თაღოვან პავილიონებს უამრავი ფლორის მოყვარული სტუმრობს. ამ ადგილებს განსაკუთრებულ ხიბლს სძენს XIX-XX საუკუნის არქიტექტურა. აქვე ნახავთ თბილისის ისტორიული გალავნის ნაშთებსაც. მოედანსა და მის მიმდებარე ტერიტორიებს 2019 წელს სარეაბილიტაციო სამუშაოები ჩაუტარდა და კეთილმოწყობილ და მიმზიდველ ადგილად იქცა როგორც ადგილობრივებისთვის, ასევე ტურისტებისთვისაც. აქ მდებარე შენობათაგან 13 კულტურული მემკვიდრეობის ძეგლია. ორბელიანის მოედანთან მდებარეობს სამების ეკლესია, რომელიც XIX საუკუნის თბილისის ერთ-ერთი მთავარი კულტურულ-რელიგიური ცენტრი იყო. ამ ეკლესიაში დაიწერეს ჯვარი ჭავჭავაძემ და ოლღა გურამიშვილმა, ექვითმე თაყაიშივილმა და ნინო პოლტარაცკაიამ, ივანე მაჩაბელმა და ანასტასია ბაგრატონ-დავითაშვილმა. აქვეა ალექსანდრესა და 9 აპრილის ბაღებიც, სადაც შესანიშნავი გარემოა განტვირთვისთვის. მოედანთან ახლოს მდებარეობს აგრეთვე ქაშუეთის ეკლესიაც. მიმდებარედ კიდევ ბევრი საინტერესო ადგილის მონახულებას შეძლებთ, როგორიცაა: სასტუმრო გრანდოტელი, მშრალი ხიდი, საქართველოს ხელოვნების მუზეუმი და სხვა. მოედნის გარშემო მრავალ კაფესა თუ რესტორანსაც იპოვნით, სადაც სასიამოვნოდ გაატარებთ დროს მყუდრო გარემოში. განახლებული ორბელიანის მოედანი თბილისის ერთ-ერთი ლამაზი და საინტერესო ადგილია და უამრავ ადამიანს იზიდავს.

რუკა

კითხვები

Please login to ask a question

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ორბელიანის (კოლმეურნეობის) მოედანი

საშინელი!

ცუდი!

კარგი!

ძალიან კარგი!

შესანიშნავი!