ყარაგოლის (შავი) ტბები

ყარაგოლის (შავი) ტბა 2 ტბისგან შედგება. ისინი მდებარეობს აჭარაში, ხულოს მუნიციპალიტეტში, სარი-ჩაირის საზაფხულო საძოვრების მიმდებარედ, ზღვის დონიდან 2100-2200 მეტრ სიმაღლეზე. ტბები პანორამულად იშლება ბაკი-ბაკოს და სარი-ჩაირის იალების ფონზე, სადაც ნისლი ხშირად ჩამოწვება ხოლმე. ყარაგოლის ტბები თავისი რელიეფიდან და კლიმატიდან გამომდინარე ნისლით ისეთ კამუფლაჟს იკეთებს, რომ თუ ტბის ადგილები წინასწარ არ გაქვთ მონიშნული, ტბასთან ახლოსაც რომ იყოთ, ცუდი ხილვადობის პირობებში მისი თვალით შემჩნევა გაგიჭირდებათ. ეს დრო განსაკუთრებულია საღამოობით და ტბას უფრო შთამბეჭდავ იერსახეს აძლევს. ტბასთან მისვლა შესაძლებელია მაღალი გამავლობის ავტომობილით სოფელ ბაკი-ბაკოდან და ასევე შუახევის მხრიდან: ჩირუხი-ბაკი-ბაკოს დამაკავშირებელი სამხედრო გზით.