საბაგირო გზა არგოს შესახებ

საუკეთესო პერიოდი: ყველა სეზონი

საბაგირო გზა არგო - კულტურულ გასართობი ცენტრი „არგო“ წარმოადგენს სანახაობრივ კომპლექსს რომელიც მდებარეობს მდებარეობს აჭარაში, ქალაქ ბათუმში, ანურიის მთაზე, ზღვის დონიდან დაახლოებით 250მ სიმაღლეზე. 

საბაგირო გზის სიგრძე 2 586 მეტრს, ხოლო სიმაღლე 256 მეტრს შეადგენს. მასზე მუდმივად მოძრაობს 8 ადგილიანი 20 გონდოლა. ერთი მიმართულებით გზის დაფარვას დაახლოებით 15 წუთი სჭირდება.


გასართობი კომპლექსი

გასართობი კომპლექსი გვთავაზობს ქალაქის, შავი ზღვისა და გარშემო მთების უნიკალურ ხედებს. კომპლექსი მოიცავს რესტორნებს, კაფეებს, სავაჭრო ერთეულებს, ღია დარბაზებს, პოდიუმისა და სახურავის ტერასებს.

მთელი ზაფხულის მანძილზე, საღამოს 8 საათიდან შესაძლებელია ფოლკლორული საღამოებით ისიამოვნოთ - იუნესკოს მიერ აღიარებული ტრადიციული ცეკვები და სიმღერები, საბრძოლო ხელოვნება და ცეკვის მასტერ-კლასები დაუვიწყარ სანახაობასთან ერთად ქართული სულისა და ხასიათის ერთ-ერთ საუკეთესო გამოვლინებას წარმოადგენს. კლასიკური მუსიკის მოყვარულებს კი ყოველ ოთხშაბათს, შაბათს და კვირას ფორტეპიანოს ჰანგებით ტკბობა დღის 12 საათიდან 14:30 საათამდე შეგიძლიათ.

ქართული კულტურის განუყოფელი ნაწილია ღვინოც, რომელიც იუნესკოს მიერ არამატერიალური კულტურული მემკვიდრეობის ძეგლადაა აღიარებული - საბაგირო გზა არგოზე ყოველდღიურად, სულ რაღაც 15 ლარად შეგიძლიათ მსოფლიოში არსებული მეღვინეობის უძველესი ტრადიციების მიხედვით დამზადებული ღვინის დაგემოვნება (წინანდალი მარნის თეთრი მშრალი; საფერავი მარნის წითელი, მშრალი; თეთრი ასკანელის ნახევრად ტკბილი; ქინძმარაული ასკანელის, წითელი ნახევრად ტკბილი). ღვინოსთან ერთად „არგოს“ რესტორანში ადგილობრივი სამზარეულოს გაცნობათ შეგიძლიათ.

იუნესკოს არამატერიალური კულტურული მემკვიდრეობის ძეგლად ასევე აღიარებულია ქართული ანბანის სამი სახეობის ცოცხალი კულტურა. მსოფლიოში ერთ-ერთი უძველესი, უნიკალური გრაფიკული სტილის მქონე ანბანის კულტურასთან ზიარებას „არგოზე“ განთავსებულ ინტერაქტიულ ფოტო სტენდზე შეძლებთ - სადაც ააწყობთ სასურველ ქართულ სიტყვას ლათინური ექვივალენტით განთავსებული ქართული ასოებით.

აქვე შესაძლებელია სამახსოვრო სუვენირების შეძენაც.

რუკა

ფასები

ღირებულება - 2 გზა:

უფროსებისთვის
5-დან 12 წლამდე ბავშვები
5 წლამდე ბავშვებისთვის
15 ₾5 ₾უფასო


კითხვები

Please login to ask a question

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე საბაგირო გზა არგო

საშინელი!

ცუდი!

კარგი!

ძალიან კარგი!

შესანიშნავი!