საყუნეთის წმინდა გიორგის ეკლესია

საყუნეთის წმინდა გიორგის ეკლესია

საყუნეთის წმინდა გიორგის ეკლესიის შესახებ

საუკეთესო პერიოდი: ყველა სეზონი

საყუნეთის წმინდა გიორგის ეკლესია სამცხე-ჯავახეთის მხარეში, ახალციხის მუნიციპალიტეტის სოფელ საყუნეთში მდებარეობს. ძეგლი თარიღდება XV-XVI საუკუნეებისთ. ეკლესია დარბაზულია და აღმოსავლეთით სწორკუთხედში ჩაწერილი, ღრმა, არასწორი მოხაზულობის ნახევარწრიული აფსიდით სრულდება. გრძივ კედლებზე განლაგებულია წყვილი, მცირედ შვერილი პილასტრი, პილასტრები შიდა სივრცეს ორ ნაწილად ყოფს. ინტერიარი ახალი გალესილი და მოხატულია. ვახტანგ ბერიძის ცნობით კემარაში შემორჩენილი ყოფილა ძველი მხატვრობის ძნელად გასარჩევი ფრაგმენტები. ტაძარს შემოვლებული აქვს გალავანი, გალავნის სამხრეთ-დასავლეთ ნაწილში კი ახლადაგებული ორსართულიანი სამრეკლოა. ნაგებობა ადგილის მოსწორების მიზნით აგებულ მცირე ბაქანზე დგას და პროფილირებულ ცოკოლს ეყრდნობა. ტაძრის სამხრეთ კედელში არქიტრავული კარია, აღმოსავლეთ, სამხრეთ და დასავლეთ კედლებში კი თითო სარკმელია გაჭრილი. კარ-სარკმლები გრეხილი ლილვებითაა მოსაზღვრული და გეომეტრიული ორნამეტებით შემკული მოჩარჩოება აქვთ. დასავლეთის ფასადის სარკმლის თავზე განთავსებულია მონუმენტური ორნამენტირებული ჯვარი, რომელსაც მკლავების ბოლოებში რელიეფური კოპები აქვს. ტაძრის შესასვლელს თაღოვანი, დეკორატიული საპირე ევლება, ტიმპანი კი სადადაა დატოვებული. ფასადებს ლილვის, წრეთარგისა და თაროსაგან შექმნილი ლავგარდანი შემოუყვება. ეკლესია ნაგებია მოყვითალო ფერის სუფთად ნათალი ქვით, გადახურულია ლორფინით.

თეგები: #ისტორია #ეკლესია #კულტურა #მონასტერი #ისტორიული ძეგლი

რუკა

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე საყუნეთის წმინდა გიორგის ეკლესია

საშინელი!

ცუდი!

კარგი!

ძალიან კარგი!

შესანიშნავი!