სარკის წმინდა გიორგის შესახებ

საუკეთესო პერიოდი: ყველა სეზონი

სარკის (სარყის) წმინდა გიორგის მონასტერი შიდა ქართლისმხარეში, ქარელის მუნიციპალიტეტში, სოფელ ზღუდეთის სამხრეთით, სოფლიდან 0,5 კმ-ის დაშორებით მდებარეობს. იგი XVI-XVII საუკუნეების, აგურით ნაშენ, თავისუფალი ჯვრის ტიპის ნაგებობას წარმოადგენს, რომელიც უფრო ადრეული ეკლესიის საძირკველზეა აგებული. აღმოსავლეთისა და დასავლეთის მკლავები წაგრძელებულია. საკურთხეველი ბემიანია და მის ნახევარწრიულ აფსიდში მოსაზღვრე სათავსებში გასასვლელია გაჭრილი. გუმბათქვეშა კვადრატი შეისრულ თაღებს ეყრდნობა. კვადრატიდან გუმბათის ყელის წრეზე გადასვლა განხორციელებულია აფრებით. ეკლესიის ფასადები თაროსებრი ლავგარდნით სრულდება. გარედან რვაკუთხა, დაბალი გუმბათის ყელი დეკორატიული, ნახევარწრიული თაღედითაა დეკორირებული. მკლავებში განთავსებულია თითო სარკმელი, გუმბათის ყელში კი - რვა. ტაძარს ორი შესასვლელი აქვს, სამხრეთიდან და დასავლეთიდან. ინტერიერის მოხატულობა ახალია. ნაგებობა გადახურულია თუნუქით.


ლეგენდა

ქარელში, დედოფლის მინდორზე, რომელიც მრავალფენიან ნამოსახლარს წარმოადგენს (დედოფლის მინდორზე გამოვლენილია ქვის, ბრინჯაოს, ადრე რკინისა და ანტიკური ხანის, ასევე შუასაუკუნეების ფენები), დგას სარკის წმინდა გიორგის რელიეფური ნიში. სწორედ ამ ნიშს უკავშირდება ლეგენდა სარკის წმინდა გიორგის ეკლესიის მშენებლობის შესახებ. ლეგენდის თანახმად მინდორში მომუშავე გუთნისდედას დაღლილს ჩასძინებია და ხილვა უნახავს. გამოღვიძებულს ხვნისას წმ. გიორგის ბარელიეფი აღმოუჩენია, რომელიც სიზმრისეული ჩვენების მიხედვით, გაუხედნავ ხარებზე უნდა დაედგა, ღვთის ნებისათვის მიენდო და სადაც ხარები დაქანცულები დაწვებოდნენ იქ აეგოთ წმინდა გიორგის სახელობის ეკლესია.


როგორ მივიდეთ

სარკის წმინდა გიორგის მონასტერი შიდა ქართლის მხარეში, ქარელის მუნიციპალიტეტის სოფელ ზღუდეთთან ახლოს მდებარეობს, ქარელიდან 6 კმ-ის დაშორებით. მონასტერთან მიდის სამანქანო გრუნტის გზა.

თეგები: #ისტორია #ეკლესია #კულტურა #მონასტერი

რუკა

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
George Gorgodze
George Gorgodze

გამარჯობათ,წმინდა გიორგის სარკის ეკლესიაში წასვლა ჩვეულებრივი სედანით შესაძლებია ამ დროოს?

Davit Merabishvili
Davit Merabishvili

სედანით გაგიჭირდებათ და ავტომობილს დააზიანებთ. უმჯობესია ჯიპით წახვიდეთ

review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე სარკის წმინდა გიორგი

საშინელი!

ცუდი!

კარგი!

ძალიან კარგი!

შესანიშნავი!