სათხილამურო კურორტი ჰაწვალის შესახებ

საუკეთესო პერიოდი: ზამთარი, მარტი

სათხილამურო კურორტი ჰაწვალი მდებარეობს სვანეთში, მესტიიდან 8 კილომეტრის დაშორებით. მისი მაქსიმალური სიმაღლე ზღვის დონიდან 2348 მეტრია, ხოლო მინიმალური 1868 მეტრი. აქ მოხვედრა მესტიიდან ძალიან სწრაფად და მარტივად შეიძლება, ჰაწვალს მესტიასთან აკავშირებს როგორც მოასფალტებული სამანქანო გზა, ისე 6 ადგილიანი საბაგირო. თუმცა ზაფხულში მესტია - ჰაწვალის დამაკავშირებელი საბაგირო არ მუშაობს და ავტომობილით მოგიწევთ მისვლა კურორტზე. ზამთარში გზა იწმინდება და აქ მოხვედრა შესაძლებელია ნებისმიერი ტიპის ავტომობილით თუ იგი მომზადებულია თოვლზე სასიარულოდ. აქ მოხვედრას ასევე მარტივად შეძლებთ ტაქსით, რომელსაც მესტიის ცენტრში მარტივად დაიქირავებთ.

სასრიალო ტრასები

კურორტზე მოქმედებს 4 საბაგირო, რომელიც მოთხილამურეებს 10:00 დან 17:00 საათამდე ემსახურება:

საბაგირო ჰაწვალი აკავშირებს მესტიას კურორტ ჰაწვალთან, იგი სტარტს იღებს მესტიაში, ზღვის დონიდან 1428 მეტრზე და ადის 1898 მეტრზე.
სლალომი და ბიგელი მცირე ზომის საბაგიროებია, რომლებიც დამწყებთათვის არის გათვლილი.
ზურულდი მთავარი საბაგიროა, რომლითაც მოთხილამურეები სარგებლობენ. იგი 4 ადგილიანია და ზღვის დონიდან 1868 მეტრიდან 2348 მეტრამდე ადის.

ჰაწვალზე სულ 5 სათხილამურო ტრასაა, მათი სიგრძე კი ჯამში 7 კილომეტრს შეადგენს. დაშვების ყველაზე გრძელი მანძილი დაახლოებით 3 კილომეტრია. აქ შეხვდებით ყველანაირი სირთულის ტრასებს:

დამწყები მოთხილამურეებისთვის ფუნქციონირებს ორი საბაგირო: სლალომი და ბიგელი. მათი მეშვეობით შესაძლებელია სრიალი მოკლე (550 მეტრი), დამწყებებისთვის განკუთვნილ ტრასებზე.
საშუალო დონის და პროფესიონალ მოთხილამურეებს შეუძლიათ ისარგებლონ საბაგირო ზურულდით და დაეშვან რთულ ან საშუალო დონის ტრასებზე.
რაც შეეხება თავგადასავლების მოყვარულ ექსტრემალებს, მათ შეუძლიათ ხშირ ტყეში, ძალიან ციცაბო ფერდებზე მოსინჯონ საკუთარი ძალები. ასევე საკმაოდ საინტერესოა საბაგიროს ქვეშ სრიალი სადაც უამრავ ბუნებრივ დაბრკოლებას შეხვდებით.

აღსანიშნავია, რომ სასრიალო ტრასა მესტიაში არ ბრუნდება და თუ ექსტრემალი არ ხართ კურორტიდან უკან დაბრუნება ისევ საბაგიროთი მოგიწევთ.

ჰაწვალზე ასევე დამონტაჟებულია ღამის განათებები და ხშირად იმართება ღამის სრიალი.

ინფრასტრუქტურა

კურორტ ჰაწვალზე ფუნქციონირებს სასტუმრო ჰაწვალი და რამდენიმე კვების ობიექტი. მათ შორის აღსანიშნავია კაფე ზურულდი, რომელიც პირდაპირ საბაგირო ზურულდის ბოლოში, კურორტის უმაღლეს წერტილში მდებარეობს. კაფე ზურულდიდან იშლება ულამაზესი ხედები სვანეთზე. აქედან ასევე შეძლებთ ორთავიანი უშბის დანახვას. კაფე ზურულდი ყველა სეზონზე ფუნქციონირებს და სვანეთის აუცილებლად სანახავი ადგილების სიაშია.

კურორტზე ასევე შესაძლებელია სათხილამურო აღჭურვილობის ქირაობა.

კურორტის სეზონურობა

კურორტი ჰაწვალი მთელი წლის განმავლობაში მუშაობს. თუმცა ყველაზე პასიური პერიოდი ოქტომბერში და ნოემბერშია. ამ პერიოდში შესაძლებელია საბაგიროები არ მუშაობდნენ. ზამთარში კურორტზე ყველა საბაგირო ჩართულია, ზაფხულში კი მხოლოდ ზურულდი.

კურორტ ჰაწვალის ძირითადი უარყოფითი მხარე მოკლე სათხილამურო ტრასები და ძალიან ნელი საბაგიროა. საბაგირო ზურულდი კურორტზე ამჟამად მოქმედ საბაგიროებში ყველაზე ძველია. იგი ოთხადგილიანია და მოძრაობს ძალიან ნელა. მოთხილამურეს საშუალოდ 12-15 წუთის გატარება უწევს ამ საბაგიროზე, რომელსაც ქარისგან დამცავი არანაირი სისტემა არ გააჩნია და ცუდი ამინდის დროს შეიძლება მეორედ დაჯდომის სურვილი პირველივე ასვლისას გაგიქრეთ.

ჰაწვალის დადებითი მხარეა მისი მდებარეობა, თოვლისა და ტყის საფარი. იგი ერთ-ერთი საუკეთესო ადგილია გაუკვალავ თოვლში სრიალის შესასწავლად. აქ შეხვდებით ყველანაირ ზედაპირს - ტყეს, ბუნებრივი ტრამპლინებს, ძალიან დახრილ ფერდობებს, ბუნებრივ დაბრკოლებებს და უამრავ სხვას. ასე რომ, თუ გაუკვალავ თოვლში სრიალის ექსპერტი ხართ, აუცილებლად იპოვით ჰაწვალზე ისეთ ადგილებს, სადაც საკუთარ თავს გამოცდას მოუწყობთ. ჰაწვალის ფერდობები დაფარულია ხშირი ტყით რაც ამცირებს ზვავსაშიშროებას და უფრო უსაფრთხოს ხდის გაუკვალავ თოვლში სრიალს.

თუ გაუკვალავ თოვლში სრიალის მოყვარული ხართ და მეტ თავგადასავალს ეძებთ, აუცილებლად ეწვიეთ თეთნულდის სათხილამურო კურორტს, რომელიც ჰაწვალიდან სულ რაღაც 15 კილომეტრის დაშორებით მდებარეობს. აქ შეხვდებით უფრო გრძელ სათხილამურო ტრასებს და საოცარ ადგილებს გაუკვალავ თოვლში სასრიალოდ.

თუ გსურთ, მიიღოთ უახლესი ინფორმაცია საქართველოს ნებისმიერი სამთო-სათხილამურო კურორტის შესახებ, გადმოწერეთ აპლიკაცია საქრთველოს მთის კურორტები:

მდებარეობა: 43.029682, 42.734209
მანძილი დედაქალაქიდან: 475 კმ
რეკომენდებული დრო: 3 დღე

დაიქირავე გიდი

ჩვენი გიდები მზად არიან დაგეხმარონ ამ ადგილის მონახულებაში

ფოტო & ვიდეო გალერეა

image

image

image

image

იხილეთ ასევე

სიის ნახვა

სტანდარტული ტოპოგრაფიული სატელიტური

კითხვები და პასუხები

დასვი კითხვა

Jirumporn Fifi Nittayawan

06 August, 2019

Hi,

I am planning a family trip to Georgia - and, of course, Mestia, in May. My family expects to go skiing as well. Could you please advise if that will be possible in May at Hatsvali Ski Resort? Will there still be snow?

Thanks.
Fifi

Ucha Gviniashvili

06 August, 2019

Hi Fifi,
It's hard to say in advance but ski season is open until end of May on Tetnuldi ski resort which is close to Hatsvali ski resort. For more information about snow conditions please contact Mountain Resorts of Georgia:
https://www.facebook.com/GeorgianMountainResorts/

შეაფასე