შარდენის ქუჩის შესახებ

საუკეთესო პერიოდი: ყველა სეზონი

შარდენის ქუჩა პატარა საფეხმავლო ქუჩაა თბილისში, ზემო კალას უბანში ვახტანგ გორგასლის მოედანსა და სიონის ქუჩას შორის. იგი ყოველთვის იყო თბილისის კულტურული და საზოგადოებრივი ცხოვრების ერთ-ერთი კერა. შარდენზე დღესაც მრავლადაა სამხატვრო გალერეები, ტიხრული მინანქრისა თუ სხვა ხელნაკეთი ნივთების სალონები, ასევე კაფე-ბარები და რესტორნები. ის თბილისის ერთ-ერთი ყველაზე პოპულარული, ხალხმრავალი, საინტერესო და მიმზიდველი ადგილია.

აქ შეძლებთ გაეცნოთ თანამედროვე ქართველი ხელოვანების ნამუშევრებს, შეიძინოთ განსხვავებული და ორიგინალური ნივთები, მოისმინოთ კარგი მუსიკა. შარდენზე ასევე ბევრ კარგ ადგილს იპოვნით გასართობად და დროის სასიამოვნოდ გასატარებლად. შარდენის ქუჩის დასაწყისში მცირე მოედანი და სკვერია, სადაც ბრინჯაოს ქანდაკება - ე.წ. "თამადა" დგას, რომელიც ვანის ანტიკურ ნაქალაქარში აღმოჩენილი ძვ. წ. VII საუკუნის ქანდაკების ასლია.

ქუჩას ეს სახელი ცნობილი ფრანგი მოგზაურის, ჟან შარდენის პატივსაცემად ეწოდა. ადრე ეს ვიწრო ქუჩა გადახურული იყო და ამიტომაც „ბნელი ქუჩა“ ერქვა. გვიან შუა საუკუნეებში აქ მექვაბების რიგი იყო, XIX საუკუნეში კი ახალი ბაზაზხანა განვითარდა. დახურული ბაზაზხანა - ბნელი რიგი XX საუკუნის დასაწყისშიც არსებობდა. 2002 წელს ქუჩის განახლება და კეთილმოწყობა დაიწყო და ამჟამად შარდენის ქუჩასა და მის მიმდებარე რკინისა და ბამბის რიგებში მრავალი კულტურული და გასართობი დაწესებულებაა განთავსებული. შარდენის ქუჩა ტურისტებისა და ადგილობრივებისთვის თბილისის ერთ-ერთი საყვარელი ადგილია.

რუკა

კითხვები

Please login to ask a question

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე შარდენის ქუჩა

საშინელი!

ცუდი!

კარგი!

ძალიან კარგი!

შესანიშნავი!