თაფანის ეკლესია (ირდასუბნის მონასტერი)

თაფანის ეკლესია (ირდასუბნის მონასტერი), მდებარეობს ქვემო ქართლის მხარეში ბოლნისის მუნიციპალიტეტში, თანამედროვე სოფელ დისველის მიმდებარედ, ნასოფლარ მირტაშენიდან 1,5 კმ-ში, ეკლესია მდებარეობს ხრამის ხეობაში. იგი აგებულია IX საუკუნეში.

საქართველოს კულტურული მემკვიდრეობის დაცვის ეროვნულმა სააგენტომ "ისტორიულ ძეგლთა დაცვისა და გადარჩენის ფონდის" ხელშეწყობით ნანგრევებად ქცეული ნაგებობის რეაბილიტაცია განახორციელა და დღეს იგი მთლიანად არის აღდგენილი.

მასთან ახლოში მდებარეობს მირტაშენის ეკლესიები და ბალახაურის ეკლესია.

ეკლესიის წინ არის რამდენიმე საფლავის ქვა, აქედან გამორჩეულია ადამიანის გამოსახულებიანი საფლავის ქვა, და ცხენის ფიგურა.

დღეს თაფანის ეკლესიის ტერიტორიაზე დაარსებულია ირდასუბნის მონასტერი.