თბილისი ცენტრალი

თბილისი ცენტრალი ერთ-ერთი დიდი და მრავალფეროვანი სავაჭრო ცენტრია თბილისში. ის ქალაქის ცენტრალური სადგურის შენობაში მდებარეობს. აქ განთავსებულია ელექტრო ტექნიკის, ტანსაცმლისა, წიგნებისა და აქსესუარების ისეთი მაღაზიები, როგორიცაა: ალტა ოქეი, ბეკო, ზუმერი, ვესტელი, მეგატექნიკა, ელ სი ვაიკიკი, რონიკო, ბიბლუსი, ტერანოვა, ფლო და სხვა. თბილისი ცენტრალი მოიცავს ასევე ბავშვთა სამყაროსა და ოქროს ბირჟას. ბავშვთა სამყაროში შეგიძლიათ შეიძინოთ უამრავი რამ ბავშვებისთვის, ასევე ქსოვილები და სხვადასხვა დეკორატიული დეტალები. ოქროს ბირჟა კი ოქროსა და ვერცხლის სამკაულების დიდ არჩევანს გთავაზობთ. სავაჭრო ცენტრში არის ესთეტიკის ცენტრი ლოტუსი, სადაც თქვენს გარეგნობაზე იზრუნებენ. თბილისი ცენტრალში განთავსებულია ბილეთების სალარო, კვების ობიექტი და სამი სასტუმროც. აქ ასევე შესანიშნავი სივრცეა ბავშვებისთვის, ბავშვთა გასართობ ცენტრ ლოსთში შეგიძლიათ დაუვიწყარი დაბადებისდღე მოუწყოთ თქვენს პატარას. ფორტ ბოიარდის თავგადასავლები, ფერადი გარემო და სხვადასხვა გასართობი ბედნიერ, მხიარულებით სავსე დღეს შეგიქმნით. თბილისი ცენტრალი მრავალფუნქციური სავაჭრო ცენტრია, სადაც ერთ სივრცეში მოქცეულია მრავალფეროვანი არჩევანი შოპინგის მოყვარულთათვის, გასართობი სივრცე, სხვადასხვა სერვისები რაც კომფორტს ქმნის მომხმარებლებისთვის. თბილისი ცენტრალს ყოველდღიურად უამრავი ადამიანი სტუმრობს.