თხილვანის მენჰირი

თხილვანის მენჰირი აჭარაში, ხულოს მუნიციპალიტეტის სოფელ თხილვანაში მდებარეობს, შ. ბოლქვაძის საკარმიდამო ნაკვეთში. იგი ვერტიკალურად მდგარ ქვის ლოდს წარმოადგენს. ლოდის ერთი მხარე დამუშავებული და მოსწორებელია, მეორე მხარე კი ბუნებრივი, დაუმუშავებელი. მოსწორებული საფასადო მხარეც გლუვი არ არის და ქვის ფაქტურა იგრძნობა. თხილვანის მენჰირის სიმაღლე მიწის ზემოთ 1.8 მეტრია (მიწის ქვემოთ ზომები უცნობია), სიგანე - 1 მეტრი, სისქე კი - 0.6 მეტრი. იგი ქვემოდან ზემოთკენ მცირედით ვიწროვდება. საფასადო მხარის შუა ნაწილში ოთხკუთხა ფორმის ნიშაა ამოკვეთილი, რომელსაც შესაძლოა სამსხვერპლო ყოფილიყო. მენჰირის ფუნქციის თაობაზე არსებობს სხვადასხვა მოსაზრებები, მისი ზუსტი დანიშნულება დღეისათვის უცნობია.