წოდორეთის ტბა

წოდორეთის ტბა მცხეთა-მთიანეთის მხარეში, მცხეთის მუნიციპალიტეტის სოფელ წოდორეთთან მდებარეობს. ეს ადგილი ძალიან კარგია პიკნიკისთვის, ოჯახთან ან მეგობრებთან ერთად ბუნებაში განტვირთვისთვის. ტბა ძალიან მცირე ზომისაა და მისი დიდი ნაწილი წყლის მცენარეებითაა დაფარული, თუმცა ტყიანი სერები და გაშლილი სივრცეები ძალიან ლამაზ გარემოს ქმნის. ტბასთან მიდის სამანქანო გზა, ასე რომ თუკი შორ მარშრუტებზე დიდი ხნით წასვლას ვერ ახერხებთ, წოდორეთის ტბასთან ძალიან მარტივად შეძლებთ მოხვედრას და ქალაქის ხმაურისგან განტვირთვას.