ვახტანგ ბლაგიძე

გამარჯობა, მე ვარ ვახტანგ ბლაგიძე. დაბადებული 1 ივლისს 1996 წელს ლანჩხუთში. ჩემი ძირითადი საქმიანობაა ალპინიზმი/მთასვლელობა. ამ სფეროში ვმოღვაწეობ 2017 წლიდან და ჩემს მიერ დალაშქრული პირველი მწვერვალებია: მწყინვარწვერი(5054 მ), თეთნულდი(4854 მ), ჭაუხებში რამდენიმე მწვერვალი და ა.შ. ძალიან გამიტაცა ამ სფერომ და ამის შემდეგ დავიწყე აქტიურად მთაში სიარული და მზადება უფრო რთული მარშრუტებისთვის. ძირითადად გატაცებული ვარ: ცოცვით, ყინულზე ცოცვით,სრიალით და ველოსიპედით. ვარ GMGA სათავგადასავლო ტურიზმის სკოლის კურსდამთავრებული, სამთო გამყოლი. ჩემთვის ყველაზე დასამახსოვრებელი და მნიშვნელოვანი მარშრუტები იყო: მწ.ხანთენგრი (7010 მ), ტიანშანის მთათა სისტემა (ყირგიზეთი); მწ. ლენინის პიკი (7134 მ), (ყირგიზეთი); ზამთრის ასვლები ალაარჩას რეგიონში ყინულოვან მარშრუტებზე (ყირგიზეთი); ჭაუხებში სხვადასხვა სირთულის კლდოვანი მარშრუტები. ამჟამად აქტიურად ვარ ჩართული სხვადასხვა საბანაკე-შემეცნებით აქტივობებში ახალი თაობისთვის, რომელიც მიზნად ისახავს მათ განვითარებას მეკლდეურობაში, ალპინიზმში, თხილამურებით სრიალსა და ბუნებასთან მჭიდრო კავშირში ყოფნას. ჩემი სამომავლო გეგმებია მთით დაინტერესებული ხალხის მეგზურობა და გამოცდილების გაზიარება, როგორც ახალი თაობისთვის , ასევე მოყვარულთათვის. დიდი სურვილი მაქვს ჩემი ქვეყნის ღირსშესანიშნაობები გავაცნო,როგორც სხვა ქვეყნის მოქალაქეებს, ასევე ადგილობრივებს და შევთავაზო უსაფრთხო,საინტერესო და თავგადასავლებით სავსე მოგზაურობა საქართველოს მთიან რეგიონებში.