ვარდისუბნის იოანე ნათლისმცემლის ეკლესია

ვარდისუბნის ნათლისმცემლის ეკლესია მდებარეობს კახეთში, თელავის მუნიციპალიტეტის სოფელ ვარდისუბნის სამხრეთით სამიოდე კილომეტრზე, ფოთლოვან ტყეში. თარიღდება გვიანდელი შუა საუკუნეებით.

ეკლესია დარბაზულია. დასავლეთიდან ეკვრის თანადროული. გეგმით თითქმის კვადრატულია კარიბჭე, რომელიც ეკლესიასთან შედარებით, რამდენადმე ვიწროა და დაბალი. ორივე ნაგებობა რიყის ქვითაა ნაშენი. ეკლესია ძლიერ დაზიანებული იყო და რამდენიმე წლის წინ იქნა აღდგენილი.