ვეჯინის პეტრე მოციქულის სახელობის ეკლესია

ვეჯინის პეტრე მოციქულის სახელობის ბაზილიკური ტიპის ეკლესია - მდებარეობს სოფელ ვეჯინში, გურჯაანის მუნიციპალიტეტში, კახეთის მხარეში. 

საყდრის თაღი 1976 წელს ჩამოიქცა. ჩრდილოეთის კედელი ტრაქტორის დაჯახების შედეგად შეინგრა. საყდარს ორი შესასვლელი აქვს - ჩრდილოეთისა და დასავლეთის მხრიდან. შესასვლელებში ჩატანებულია წარწერიანი საფლავის ქვები. საყდარი აშენებულია რიყის ქვით. ეტყობა მრავალჯერ გადაკეთებულა. ამას მოწმობს კედლებში ჩატანებული აგური, რაც მის გადაკეთებას XVI საუკუნეზე ადრე ვერ გადასწევს. საყდრის შიდა კედლები შელესილია, ნაგებობა უგუმბათოა, შუა მორკალული თაღით ორ მხარეს დაფერდებულია. მისი დამათარიღებელი არავითარი მონაცემი არ მოიპოვება. ეს საყდარი ადრე მოქმედი ყოფილა. აქ აღდგომას ნათლავდნენ ბავშვებს. ასრულებდნენ ქრისტიანულ რიტუალებს.

დღესდღეობით ეკლესია განახლებულია.