ზაქაროს წმინდა გიორგის ეკლესია

ზაქაროს წმინდა გიორგის ეკლესია მდებარეობს მცხეთა-მთიანეთის რეგიონში, მცხეთის მუნიციპალიტეტის სოფელ ზაქაროს მიმდებარედ.

ეკლესია დარბაზულია. მინაშენებით. ნაგებია რიყისა და ნატეხი ქვიშაქვით. ეკლესიას ორი თაღოვანი შესასვლელი აქვს, დასავლეთიდან და სამხრეთიდან. დასავლეთ კედელში გაჭრილი შესასვლელი ამოშენებულია. სამხრეთი შესასვლელით ეკლესიის დარბაზული ნაწილი კარიბჭეს უკავშირდება. დარბაზის კედლებს პილასტრები ამაგრებს. ფასადები დასრულებული ყოფილა აგურის ლავგარდანით. აღმოსავლეთ ფასადზე შემორჩენილია ლავგარდანის მხოლოდ მცირე ფრაგმენტი. ინტერიერი მოხატული ყოფილა (შემორჩენილია მოხატულობის მცირე ფრაგმენტი). ეკლესიას სამხრეთიდან მიშენებული აქვს კარიბჭე და მცირე ეკლესია, ხოლო დასავლეთიდან სათავსო. კედლებს ბზარები აქვს გაჩენილი.

ეკლესია აგებული უნდა იყოს გვიან შუა საუკუეებში დაახლოებით XVI-XVIII ს-ში.

ეკლესიაში მისასვლელად უნდა გაცდეთ სოფელ ზაქაროს და ხელოვნურ წიწვოვან ტყეში შეხვიდეთ, სამანქანო გრუნტოვანი გზა ეკლესიამდე მიდის.