ზესტაფონის უშანგი ჩხეიძის სახელობის დრამატული თეატრი

ზესტაფონის უშანგი ჩხეიძის სახელობის დრამატული თეატრი იმერეთის მხარეში, ქალაქ ზესტაფონში, დავით აღმაშენებლის ქუჩის 23 ნომერში მდებარეობს. თეატრალური წარმოდგენები ზესტაფონში 1875 წლიდან იმართებოდა. 1898 წელს კი ალექსანდრე არაბიძემ თეატრს საკუთარი შენობა დაუთმო. 1904 წელს თეატრისთვის საგანგებოს აიგო შენობა, რომელიც 1906 წელს დაიწვა. ამის შემდეგ თეატრალური წარმოდგენები სხვადასხვა ადგილებში იმართებოდა. ზესტაფონის თეატრის ამჟამინდელი შენობა 1962 წელს აშენდა. აქ წარმოდგენილი პირველი სპექტაკლი იყო ვ. კანდელაკის „ამაღლებული სოფელი“. თეტრი დღემდე აქტიურად განაგრძობს მოღვაწეობას და მნიშვნელოვან ადგილს იკავებს ზესტაფონის კულტურულ ცხოვრებაში.