აჭარის ხელოვნების სახელმწიფო მუზეუმი

აჭარის ხელოვნების სახელმწიფო მუზეუმის შესახებ

საუკეთესო პერიოდი: ყველა სეზონი

აჭარის ხელოვნების სახელმწიფო მუზეუმი — კულტურული მემკვიდრეობის უძრავი ძეგლი ბათუმში, აჭარაში. დაარსდა 1998 წელს.

ხელოვნების მუზეუმი განთავსებულია ბათუმის ერთ-ერთ ისტორიულ შენობაში, რომელიც დაპროექტებულია ცნობილი არქიტექტორის, კახა ჯავახიშვილის, მიერ (1949 წ.). ეს მონუმენტური ნაგებობა გამოირჩევა თავისი ფუნქციონალური სტრუქტურით და ესთეტიკური გამომსახველობით, ხასიათდება მკაცრი, დახვეწილი არქიტექტონიკით, დეკორის სისადავით. ფასადს ამშვენებს გამოჩენილი მოქანდაკის - თამარ აბაკელიას - მიერ შესრულებული რელიეფური ფრიზი (1951-52 წწ.).

მუზეუმში დაცულია 400 მდე ექსპონატი, ცნობილ ქართველ და უცხოელ მხატვართა ფერწერული ტილოები (ნიკო ფიროსმანი, დ. კაკაბაძე, ლ. გუდიაშვილი, ელ. ახვლედიანი, სტ. ბაკალოვიჩი, ზომერი, ა. ტერნი, რ. ფეტვიაშვილი, ნ. იგნატოვი, ა. ზანკოვსკი, გ. წერეთელი და სხვა), გრაფიკული (ნ. ჭურღულია, ლ. ზამბახიძე და სხვა) ნამუშევრები, კერამიკის, ხის, მინის, ჭედურობის, გობელენის ნიმუშები, სკულპტურა (ე. ფანტარელის ”ნიმფა და პატარა ფავნი”, გ. ოჩიაურის ”პორტრეტი” და სხვა).

ისტორია

აჭარის ხელოვნების მუზეუმი ოფიციალურად გაიხსნა 1998 წლის 19 დეკემბერს და იგი თანამედროვე ქართული კულტურის მნიშვნელოვანი კერაა. მუზეუმი ფლობს ექსპონატების სოლიდურ კოლექციას, რომელიც იძლევა ნათელ წარმოდგენას XX საუკუნის ქართული სახვითი ხელოვნების ძირითად ეტაპებზე. აქ წარმოდგენილია სხვადასხვა თაობის შესანიშნავ მხატვართა მთელი პლეადა.

ბათუმი, ზ. გორგილაძის ქ. №8
41.648582, 41.633917; (0422) 27 38 94; 27 62 28; artmuzeumi@gmail.com; დღეს:

ორშაბათი: დაკეტილია

სამშაბათი: 11:00 - 18:00

ოთხშაბათი: 11:00 - 18:00

ხუთშაბათი: 11:00 - 18:00

პარასკევი: 11:00 - 18:00

შაბათი: 11:00 - 18:00

კვირა: 11:00 - 18:00
მანძილი დედაქალაქიდან: 360 კმ

დაიქირავე გიდი

ჩვენი გიდები მზად არიან დაგეხმარონ ამ ადგილის მონახულებაში

ფოტო & ვიდეო გალერეა

აჭარის ხელოვნების სახელმწიფო მუზეუმი - Adjara Art Museum

image

იხილეთ ასევე

სიის ნახვა

სტანდარტული ტოპოგრაფიული სატელიტური

ფასები

მუზეუმში შესასვლელი ბილეთების ფასი:

უფროსი	სტუდენტი	მოსწავლე
2 ₾	1 ₾	0.50 ₾

უბილეთოდ დაიშვებიან:

6 წლამდე ბავშვები, სოციალურად დაუცველი მოზარდები, ICOM-ის წევრები, საქართველოს და უცხოეთის ქვეყნების მუზეუმების თანამშრომლები, შეზღუდული შესაძლებლობების მქონე პირები, ჯარისკაცები, იძულებით გადაადგილებული პირები.