29 აგვისტო, 2018

გადაუდებელი დახმარების სერვისები

კატეგორია: ინფორმაცია

ყველაზე მნიშვნელოვანი და საბაზო ინფორმაცია, რომელიც უცხო ადგილას წასვლამდე უნდა გვქონდეს გადაუდებელი დახმარების სერვისებია. დაზღვევის მიზნით უნდა ვიცოდეთ სად დავრეკოთ:

  • თუ კი ვინმე დაარღვევს ჩვენს უფლებებს;
  • თუ სხვისი უფლებების დარღვევას ან/და კანონის სხვა ტიპის დარღვევას შევესწრებით
  • თუ შეგვექმნება ჯანმრთელობის პრობლემები;
  • თუ აღმოვჩნდებით სახიფათო სიტუაციაში (ხანძარი, წყალდიდობა, მიწისძვრა);


საქართველოში ამ ტიპის დახმარების მისაღებად არსებობს მხოლოდ ერთი ნომერი:
112

ამ ნომრით შეძლებთ გამოიძახოთ:

    • სასწრაფო სამედიცინო დახმარება
    • ოპერატიული სახანძრო ჯგუფი
    • პოლიცია
    • სამაშველო სამსახური

    სერვისი ადაპტირებულია სპეციალური საჭიროების მქონე პირთათვის. არსებობს ვიდეო ზარისა და მოკლე ტექსტური შეტყობინების გამოყენებით გამოძახების დაფიქსირების შესაძლებლობა.

    დეტალური ინფორმაცია და საინსტრუქციო ვიდეო მასალა იხილეთ ბმულზე: http://112.gov.ge/?m=111

    სერვისების გამოყენება შეუძლიათ ბავშვებსაც - http://kids.112.ge/
    არსებობს გადაუდებელი დახმარების სერვისების საბავშვო ვებ-გვერდიც, სადაც პატარებს შეუძლიათ ისწავლონ რთულ სიტუაციაში აუცილებელი ქმედებები და გამოძახების დაფიქსირება.

    აღნიშნული ნომრით სარგებლობა და დახმარების მიღება შესაძლებელია საქართველოს მთელ ტერიტორიაზე დღე-ღამის ნებისმიერ დროს.

    საგანგებო სიტუაციებში სწრაფი რეაქციის მისაღებად უნდა გაითვალისწინოთ:

      • მშვიდად და გარკვევით ესაუბრეთ ოპერატორს, რათა იგი ეფექტურად მოგემსახუროთ;
      • დააფიქსირეთ შემთხვევის ზუსტი მისამართი;
      • აღწერეთ შემთხვევა და გამოყავით რა სახის დახმარების მიღება გსურთ;
      • დააფიქსირეთ, თქვენი (გამომძახებლის) სახელი და გვარი;
      • არ გათიშოთ ტელეფონი სანამ ოპერატორი დაასრულებს საუბარს.

      გადაუდებელი დახმარების სერვისებით სარგებლობა არის უფასო!

      112-ს აქვს ახალი სერვისი - ევაკუატორის დახმარება. ამ ეტაპზე მისი გამოყენება შესაძლებელია მხოლოდ თბილისის მასშტაბით. გამოძახების საფასური 30 ლარია. სტანდარტული ევაკუატორით განვლილი 1კმ - 3ლარი, ამწე-ევაკუატორით 1კმ - 4ლარი ღირს.

      თუ კი საკუთარი ავტომობილით მოგზაურობთ თბილისში, პრობლემის შემთხვევაში შეგიძლიათ ისარგებლოთ ევაკუატორის დახმარების სერვისით.

      დამატებითი ინფორმაციისთვის ეწვიეთ ბმულს: http://112.gov.ge/?m=2

      საქართველოში მოგზაურობის უსაფრთხოებასა და ქართულ პოლიზიაზე დეტალურად მოგითხრობთ სტატიაში: რამდენად უსაფრთხოა საქართველოში მოგზაურობა

      გისურვებთ მშვიდობიან მოგზაურობას!

      თეგები: #გადაუდებელი #112
      კომენტარები

      კომენტარის დასამატებლად გთხოვთ, გაიაროთ ავტორიზაცია

      დაწერეთ კომენტარი

      დაწერეთ კომენტარი