ბანგურიანი

ბანგურიანი — მთა საქართველოში, სამეგრელო-ზემო სვანეთის მხარეში, მესტიის მუნიციპალიტეტში. მდებარეობს კავკასიონის სამხრეთ კალთაზე, მდინარეების მესტიაჭალისა და ტვიბერის წყალგამყოფზე. სიმაღლე ზღვის დონიდან 3838 მეტრია. ხასიათდება თანამედროვე გამყინვარებით, რელიეფის გლაციალური ფორმებით. კალთებზე სუბალპური და ალპური მდელოებია.

როგორ მოვხვდეთ ბანგურიანზე?

ბანგურიანის მთა და მყინვარი მესტიიდან დაშორებულია დაახლოებით 20 კილომეტრით. პირველი 10 კმ დაფარვა შესაძლებელია მაღალი გამავლობის ავტომობილით. მომდევნო 10 კმ-ზე მიუყვება საფეხმავლო ბილიკი, ქედის გავლით ბანგურიანის მყინვარამდე. მყინვარიდან მწვერვალზე ასავლელად კი საჭიროა ალპინისტური აღჭურვილობა. ბილიკი მყინვარამდე არის საშუალო სირთულის. იწყება ტყიან ზონაში, გადის ალპურ მდელოებზე, ხოლო ბოლო მონაკვეთზე ქვიან ზედაპირზე მყინვარამდე, რაშიც მდგომარეობს ბილიკის სირთულე.

ბანგურიას მთიდან იშლება შესანიშნავი ხედები მესტიაზე, სვანეთის კავკასიაონზე და მწვერვალებზე.