ბათუმის ბოტანიკური ბაღის შესახებ


საუკეთესო პერიოდი: ყველა სეზონი

ბათუმის ბოტანიკური ბაღი  ბოტანიკური ბაღი აჭარაში, ქალაქ ბათუმიდან 9 კმ დაშორებით, მდინარე ჩაქვისწყლის შესართავს და მწვანე კონცხს შორის მდებარე სანაპირო ზოლზე. ბაღს ზღვის სანაპირო ზოლის დაახლოებით 1 კმ სიგრძის სამხრეთ-დასავლეთი მონაკვეთი უკავია, რომელიც ზღვის დონიდან 0-220 მეტრ სიმაღლემდე ვრცელდება.

ბათუმის ბოტანიკური ბაღი - მსოფლიოში ერთ-ერთი უდიდესი და მდიდარი ბოტანიკური ბაღი, გაშენებულია 111 ჰექტარზე და დაარსებულია 1912 წელს. ბაღში შედის კოლხეთის ტყის ნაკრძალი და მრავალი განსხვავებული ფლორისტული ლანდშაპი. ბაღში მრავალი სახეობისა და ჯიშის მცენარეა. ბოტანიკური ბაღი საუკეთესო ადგილია ბუნებაში დასვენების მოყვარულთათვის. 

ბათუმის ბოტანიკურ ბაღს მსოფლიოში ანალოგი არ მოეძებნება იმ თვალსაზრისით, რომ აქ თანაარსებობენ სრულიად განსხვავებული კლიმატური და ლანდშაფტური ზონებიდან აღებული მცენარეთა სახეობები. ამ ჯადოსნურ ბაღში ერთნაირად კარგად ხარობს როგორც კანარის ფინიკის პალმა, ასევე იაპონური საკურაც. 


დენდროფლორა

ბათუმის ბოტანიკური ბაღის რელიეფი მთაგორიანია, ნიადაგი — წითელმიწა, ყომრალი და ალუვიური. ბაღში სამი დენდროპარკი, კოლხეთის ტყის ნაკრძალი და ლანდშაფტურ-გეოგრაფიული პრინციპით შექმნილი 9 ფლორისტული განყოფილებაა: ამიერკავკასიის ტენიანი სუბტროპიკების, ავსტრალიის, ახალი ზელანდიის, ჰიმალაის, აღმოსავლეთ აზიის, ჩრდილოეთ ამერიკის, სამხრეთ ამერიკის, მექსიკისა და ხმელთაშუა ზღვის ქვეყნებისა.

მცენარეთა კოლექცია შეიცავს 5000-ზე მეტ სახეობას, სახესხვაობას, ფორმასა და ჯიშს. ბაღში კარგად ხარობს უნიკალური მცენარეები: პოდოკარპუსი ტოტარა, ანდერსონის ვერონიკა, სამხრეთ კორდილინე, ჰიმალაური შქერი, ნეპალის მარადმწვანე მურყანი, მარადმწვანე მუხები, იაპონური კამელიის 80-ზე მეტი ჯიში, პალმისები ნეკერჩხლის 20 ფორმა, მაგნოლიის 15 სახეობა და ფორმა.

იელების მდიდარი კოლექცია, საპნის ხე, ქონის ხე, ბამბუკის მრავალი სამრეწველო ჯიში, მამონტის ხე, მარადმწვანე სექვოია, მეტასექვოია, სწრაფმზარდი ფოთოლმცვივანი მუხები, მექსიკური ფიჭვები, ჩრდილოეთ ამერიკული და მექსიკური ტაქსოდიუმი, მრავალი სახეობის კაქტუსი, სამხრეთ ამერიკის მანიჰოტი და სხვა.

აქვეა კავკასიური კერძოდ კოლხეთის მესამეული პერიოდის რელიქტები: უნგერნის შქერი, პონტოური შქერი, ხეწყავი, წყავმაზა, პონტოური მუხა და სხვა. კარგად არის დაცული უძველესი პერიოდის კოლხური ტიპის ტყე.


ისტორია

1881 წლიდან, ბათუმის მხარეში მნიშვნელოვანი საინტროდუქციო სამუშაოები ერთ-ერთმა პირველმა მოაგარაკემ, მეჩესლავ დ’ალფონსმა ჩაატარა, რომელსაც ჩაქვის მახლობლად საკუთარი ბაღი ჰქონდა. ამიერკავკასიის შავი ზღვის სანაპიროზე მცენარეთა ინტროდუქციის ერთ-ერთ ინიციატორად გვევლინება გეოგრაფი და ბოტანიკოსი, მოგზაური პავლე ტატარინოვი, რომელმაც ბათუმის სანაპიროზე, 1892 წელს, 10 ჰა ფართობზე შექმნა ე. წ. საკლიმატიზაციო ბაღი, რომელიც დღეს ბაღის „ზედა პარკის“ სახელითაა ცნობილი.

ბათუმის ბოტანიკური ბაღის დაარსება დაკავშირებულია ხარკოვის უნივერსიტეტის პროფესორის ანდრია კრასნოვის სახელთან. 1912 წლის 3 ნოემბერს სათავე დაედო ბათუმის ბოტანიკური ბაღის ორგანიზაციის საქმეს. ბაღის განაშენიანებაში დიდი წვლილი მიუძღვის ჩვენს თანამემამულეს იასონ გორდეზიანს.

ბათუმის ბოტანიკურ ბაღი სასოფლო-სამეურნეო და ბიოლოგიური ცოდნის გავრცელების მნიშვნელოვანი კერაა. მას კავშირი აქვს 140-ზე მეტი ქვეყნის ბოტანიკურ ბაღთან, უნივერსიტეტებთან და სხვა სამეცნიერო-კვლევით დაწესებულებებთან, რომლებთანაც გაფორმებული აქვს ურთიერთთანამშრომლობის მემორანდუმები. ბოლო პერიოდში ბაღმა განახორციელა არაერთი მნიშვნელოვანი საერთაშორისო ვიზიტი და საქმიანი შეხვედრა.

ბოტანიკური ბაღი გამორჩეულია მდიდარი საჰერბარიუმო ფონდით და სამეცნიერო ბიბლიოთეკით. ბაღი გამოსცემს სხვადასხვა სამეცნიერო, პრაქტიკული, მეთოდოლოგიური და შემეცნებითი ხასიათის ლიტერატურას და გაზეთ „ბოტანიკურ ბაღს“.

2012 წელს ბაღის ასწლოვანი იუბილე არაერთი ღონისძიებით აღინიშნა, რომელიც 2013 წლის მაისში, საერთაშორისო სამეცნიერო-პრაქტიკული კონფერენციით დასრულდა.


ბაღის ტერიტორიაზე შესვლა შესაძლებელია რამდენიმე გზით:

  • ''მწვანე კონცხის'' მხრიდან (მთავარი შემოსასვლელი);
  • ჩაქვის მხრიდან;
  • ყოფილი სასოფლო-სამეურნეო ინსტიტუტის (უღელტეხილის) მხრიდან.
მდებარეობა
41.697321, 41.718808
+995 422 270033 / 246233
info@bbg.ge
დღეს:
ორშაბათი: 09:00 - 19:00
სამშაბათი: 09:00 - 19:00
ოთხშაბათი: 09:00 - 19:00
ხუთშაბათი: 09:00 - 19:00
პარასკევი: 09:00 - 19:00
შაბათი: 09:00 - 19:00
კვირა: 09:00 - 19:00
მანძილი დედაქალაქიდან
350 კმ

ჩვენი გიდები მზად არიან დაგეხმარონ ამ ადგილის მონახულებაში

27798218_2076211602649485_920825 13891881_1062705333765157_135766 cop
+8

იხილეთ ასევე

ტურისტული საინფორმაციო ცენტრი ბათუმში, აჭარაში. ბათუმში განთავსებულია  4 ტურისტული საინფორმაციო ცენტრი, ხოლო მთლიანად აჭარაში 9 ტურისტული საინფორმაციო...

ბათუმის ყოვლადწმინდა სამების სახელობის ტაძარი - სალიბაურის წმინდა სამების ტაძარი მდებარეობს აჭარაში, ბათუმიდან დაახლოებით 8 კილომეტრში, სამების მ...

ბათუმის იახტკლუბი - იახტ-კლუბი აჭარაში, ქალაქ ბათუმის ბულვარში, ნავსაყუდელის მიმდებარე ტერიტორიაზე. კლუბში შესაძლებელია იახტის, იალქნიანი ნავისა და სა...

„ალი და ნინო“ - ს ქანდაკება - მოძრავი სკულპტურული კომპოზიცია ბათუმის ბულვარში, საქართველოს შავიზღვის კურორტის ერთ-ერთი ღირსშესანიშნაობაა. 8 ...

ბათუმის პანორამული ბორბალი - ბათუმის ახალი ბულვარის ერთერთი ყველაზე პოპულარული გასართობი და ქალაქის ერთ-ერთი ყველაზე ღირშესანიშნავი ადგილი, რომელიც არ...

ბათუმის საზღვაო ნავსადგური - თანამედროვე, მაღალტექნოლოგიური ტიპის საკონტეინერო, საბორნე და გენერალური ტვირთების ნავსადგურში, ქალაქ ბათუმში.ბათუმის ნავ...

"ჭაჭის" კოშკად წოდებული შარდევნის კოშკი - მდებაორებს ქალაქ ბათუმში, აჭარაში. კოშკი წარმოადგენს ზუსტ ასლს იმ ნაგებობისა, რომელიც მე-20 საუკუნის დასაწყი...

ანბანის კოშკი — 130 მეტრი სიმაღლის, ქართული ანბანის 33 ასოიანი კოშკი, დნმ-ის უჯრედის სტრუქტურული მოდელის ანალოგიური, ქალაქ ბათუმში. კოშკი ქართული ანბა...

ბათუმის სულიწმინდის სახელობის კათოლიკური ეკლესია - მდებარეობს აჭარაში, ქალაქ ბათუმში. აიგო 2000 წელს ბათუმელი კათოლიკეების მიერ. ეკლესია ამიერკავკასიი...

საბაგირო გზა არგო - კულტურულ გასართობი ცენტრი „არგო“ წარმოადგენს სანახაობრივ კომპლექსს რომელიც მდებარეობს მდებარეობს აჭარაში, ქალაქ ბათუმში, ანურიის მ...

წმინდა ნიკოლოზის სახელობის ტაძარი - ქალაქ ბათუმში, აჭარაში. XIX საუკუნის სამოციან წლებში აშენებული წმიდა ნიკოლოზის სახელობის ეკლესია, ამ უძველეს ქრისტ...

ბათუმის ილია ჭავჭავაძის სახელობის სახელმწიფო დრამატული თეატრი - დრამატული თეატრი აჭარაში, ქალაქ ბათუმში. თეატრი 480 მაყურებელზეა გათვლილი და ადაპტირებ...

ბათუმის პიაცა — მოედანი კაფე-ბარებითა და რესტორნებით აჭარაში, ქალაქ ბათუმში. გამოირჩევა მხატვრული, მოზაიკური და ვიტრაჟული ხელოვნების ნიმუშებით. მოედან...

ნეპტუნის შადრევანი - მონუმენტური შადრევანი, მდებარე ბათუმის დრამატული თეატრის წინ, სკვერში, ქალაქ ბათუმში. იგი 5 ფრაგმენტისაგან შედგება, რომელთა ცენტრ...

ბათუმის ბულვარი - ზღვისპირა გასართობი პარკი, მდებარეობს აჭარაში, ქალაქ ბათუმში. ბულვარი ქალაქის ისტორიულ ნაწილში მდებარეობს, სანაპირო ზოლის გასწვრივ. ...

ბათუმის ქორწინების სახლი - ბათუმის ბულვარის ცენტრალურ შესასვლელიში არსებული ზვიგენის თვალის ფორმის ქორწინების სახლი, რომელიც გაიხსნა 2009 წელს.ბა...

მოცეკვავე შადრევანი - შადრევანი ბათუმის ბულვარში. ღამით იგი ფერადი ნათურაბით არის განათებული, თან ახლავს სასიამოვნო მუსიკა, სამგანზომილებიანი ლაზერული...

ასტრონომიული საათი - არქიტექტურული ღირსშესანიშნაობა ძველი ბათუმის ტერიტორიაზე, რომელიც განთავსებულია საქართველოს ეროვნული ბანკის რესკონსტრუირებულ კოშკ...

კოლონადები - მდებაორეობს აჭარაში, ქალაქ ბათუმში, ბულვარის ტერიტორიაზე. იგი ქალაქის ერთ-ერთი ყველზე საინტერესო ღირსშესანიშნაობაა და 80 წელია ბათუმის ბუ...

მედეას ქანდაკება - ბერძნული მითოლოგიის გმირის, კოლხი პრინცესა მედეას მონუმენტი საქართველოს ქალაქ ბათუმში, თავისუფლების მოედანზე, ახლოს ასტრონომიუ...

ბათუმის საზაფხულო თეატრი - ხის უნიკალური საზაფხულო თეატრი აჭარაში, ქალაქ ბათუმში. თეატრი ბათუმის ბულვარში, სადაც წლების განმავლობაში თეატრალური წ...

ღვთისმშობლის შობის სახელობის საკათედრო ტაძარი - ქართული მართლმადიდებლური ტაძარი ქალაქ ბათუმში, აჭარაში. იგი წარმოადგენს ეროვნული მნიშვნელობის კულტურულ...

აჭარის ხელოვნების სახელმწიფო მუზეუმი — კულტურული მემკვიდრეობის უძრავი ძეგლი ბათუმში, აჭარაში. დაარსდა 1998 წელს.ხელოვნების მუზეუმი განთავსებულია ბათუმ...

ბათუმის სინაგოგა — სინაგოგა ბათუმში, აჭარაში. აშენებულ იქნა 1904 წელს, არქიტექტორ სემიონ ვულკოვიჩის მიერ.ისტორიაXX საუკუნის დასაწყისში ადგილობრივმა ებ...

აჭარის ხარიტონ ახვლედიანის სახელობის მუზეუმი - მუზეუმი ბათუმში, რომელიც დაარსდა 1908 წელს.აჭარის სახელმწიფო მუზეუმი ერთ-ერთი უძველესი სამეცნიერო-საგან...

ნურის ტბა (ყოფ. პიონერთა ტბა; სხვა სახელწოდებებია: ნური-გელი ან გელ-ბაში) — ბუნებრივი წარმოშობის ტბა აჭარაში, ქალაქ ბათუმში, შავი ზღვის სანაპიროს სიახ...

ბათუმის დელფინარიუმი — დელფინარიუმი აჭარაში, ზღვისპირა ქალაქ ბათუმში. გაიხსნა 1966 წელს.ბათუმის სტუმართა ერთ-ერთი საყვარელი ადგილი დელფინარიუმია, სადა...

ბათუმის იუსტიციის სახლი - მდებარეობს აჭარაში, ბათუმის ახალი ბულვარის ტერიტორიაზე, არდაგანის ტბის მახლობლად, გმირთა მოედანზე. იუსტიციის სახლი გაიხსნა 2...

არდაგანის ტბა - მდებაორებს ქალაქ ბათუმში, შავი ზღვის სანაპიროზე, ახალი ბულვარის ტერიტორიაზე.არდაგანის ტბაში დამონტაჟებულია ფრანგული მუსიკალური მოცეკვა...

აკვაპარკი ( Euro Park ) - საცურაო აუზებისა და ატრაქციონების კომპლექსი ბათუმის ზღვისპირა ზოლში.  აკვაპარკში 5 აუზი და სხვადასხვა სახის ატრაქციონებია და...

კვარიათი — შავიზღვისპირა კურორტი და დასახლება აჭარაში, ქალაქ ბათუმში, გონიო-კვარიათის უბანში. 2011 წლამდე იყო სოფელი ხელვაჩაურის მუნიციპალიტეტში. მდებ...

იხილეთ ასევე
ფასები

ბოტანიკური ბაღის დათვალიერების ბილეთის ძირითადი ფასი, შეადგენს 15 ლარს.

ბოტანიკური ბაღის დათვალიერების შეღავათიანი ტარიფები, კერძოდ:

საქართველოს მოქალაქე
სტუდენტი
მოსწავლეპენსიონერი
8212

- სატარიფო სისტემა, ორგანიზებული ტურისტული ჯგუფების შემომყვანი ტურისტული სააგენტოების, კომპანიებისა და სახელმწიფო ორგანიზაციებისათვის, ურთიერთშეთანხმების საფუძველზე ითვალისწინებს ფასდაკლებას ძირითადი ტარიფის არაუმეტეს 25%-ისა;

- ძირითადი ტარიფის (15 ლარის) 25%-იანი ფასდაკლებით სარგებლობის უფლება ექნებათ Batumi Card-ის მფლობელებსაც.

კალენდარული წლის განმავლობაში, ბაღის ტერიტორიის დათვალიერების მიზნით, ზოგიერთ დღეებში მოხდება ნებისმიერი კატეგორიის დამთვალიერებელის (როგორც საქართველოს, ისე სხვა ქვეყნის მოქალაქე), უფასოდ დაშვება. ეს დღეებია: 1-2 იანვარი (ახალიწლის სადღესასწაულო დღეები); 26 მაისი (საქართველოს დამოუკიდებლობის დღე); 1 ივნისი (ბავშვთა დაცვის საერთაშორისო დღე); მარტის თვე - კამელიების გამოფენა (ერთი დღე); აპრილის თვე - ბამბუკების გამოფენა (ერთი დღე); მაისის თვე - ვარდების გამოფენა (ერთი დღე); ნოემბრის თვე - ხილისა და ციტრუსების გამოფენა (ერთი დღე); დეკემბრის თვე - გირჩების გამოფენა (ერთი დღე); თემატური შინაარსის მქონე ხუთი გამოფენა, რომელსაც ბაღი ახორციელებს წლის განმავლობაში და რომელიც არის მოძრავი (შესაბამისი გამოფენის დღეები); ,,ბათუმობა“ (წლის კალენდარის მიხედვით).

ახალი რეგულაციების თანახმად, ბოტანიკური ბაღის ტერიტორიის უფასოდ დათვალიერების უფლებით ისარგებლებენ ომის მონაწილეები და საქართველოს შეიარაღებული ძალების ვეტერანები და მათთან გათანაბრებული პირები, შეზღუდული შესაძლებლობის მქონე პირები, ობოლი, მშობელთა მზრუნველობას მოკლებული მოზარდები და სტუდენტები, ასევე 10 წლამდე ბავშვები და იმ ოჯახის წევრები, რომელთა სოციალური სარეიტინგო ქულა არ აღემატება 100 000. აღნიშნული შეღავათი დაშვებული იქნება სათანადო დოკუმენტის წარდგენის შემთხვევაში.

ბოტანიკური ბაღის სპეციფიკიდან გამომდინარე, ბოტანიკური ბაღის ტერიტორიაზე უფასო დაშვების უფლებით ისარგებლებენ იმ დაწესებულებათა ჯგუფები, რომლებთანაც ბოტანიკურ ბაღს გაფორმებული აქვს თანამშრომლობის მემორანდუმი, მეცნიერ-მკვლევარები, სტუდენტ-ლექტორთა ის ჯგუფები, ვინც გადიან საწარმოო პრაქტიკას, ბაღის სხვადასხვა პროექტებში ჩართული მოქალაქეები, საგანმანათლებლო პროგრამების მონაწილეები, ოფიციალური სტუმრები და დელეგაციები.


სააბონენტო ტარიფები:

- ერთთვიანი აბონიმენტის ღირებულება ერთ ადამიანზე 30 (ოცდაათი) ლარი (მფლობელის იდენტიფიცირებით);

- ერთვიანი აბონიმენტის ღირებულება (1+1) 50 (ორმოცდაათი) ლარი (მფლობელის იდენტიფიცირებით);

- ერთთვიანი აბონიმენტის (1+2) ღირებულება 60 (სამოცი) ლარი (მფლობელის იდენტიფიცირებით);


ექსკურსიამძღოლის (გიდის) და ელექტრომობილის მომსახურება:

- ბოტანიკურ ბაღში ექსკურსიამძღოლის მომსახურების (არაუმეტეს 1,5 საათი) ღირებულება 50 (ორმოცდაათი) ლარი;

- ელექტრომობილით ექსკურსიამძღოლის მომსახურების (40 წუთი) ღირებულება 30 (ოცდაათი) ლარი;


ელექტრომობილი

- ბოტანიკური ბაღის ტერიტორიაზე ტურისტული მარშრუტის საწყისი პუნქტიდან (უნივერსიტეტის ან „მწვანე კონცხის“ მთავარი შემოსასვლელიდან ზღვისპირა პარკამდე ან/და პირიქით) საბოლოო პუნქტამდე, ასევე მარშრუტის ცალკეული უბნებიდან ბოლო პუნქტამდე ერთი დამთვალიერებლის გადაყვანა ერთი მიმართულებით 5 (ხუთი) ლარი, ხოლო ინდივიდუალური მომსახურება, რომელიც გულისხმობს არაუმეტეს 5 (ხუთი) ადამიანის მიერ 1 (ერთი) საათით ელექტრომობილის ინდვიდუალურ გამოყენებას, ბაღის ძირითადი ტურისტული მარშრუტის დათვალიერების მიზნით, მისი ღირებულება 60 (სამოცი) ლარი.


პიკნიკი და პენპინგი

- ბოტანიკური ბაღის ტერიტორიაზე, სპეციალურად გამოყოფილ ადგილებში, ღამისთევის საფასური 18 საათიდან მეორე დღის დილის 10 საათამდე პერიოდში, საქართელოს მოქალაქისათვის ერთ ადამიანზე შეადგენს (დათვალიერების საფასურის ჩათვლით) 15 (თხუთმეტი) ლარს, ხოლო უცხო ქვეყნის მოქალაქისათვის ერთ ადამიანზე (დათვალიერების საფასურის ჩათვლით) კი 20 (ოცი) ლარს;

- ბაღის ტერიტორიაზე, სპეციალურად გამოყოფილ ადგილებში, კორპორატიული პიკნიკის მოწყობის ღირებულება საქართვეოს მოქალაქისათვის ერთ ადამიანზე (დათვალიერების საფასურის ჩათვლით) შეადგენს 15 (თხუთმეტი) ლარს, ხოლო უცხო ქვეყნის მოქალაქისათვის, ერთ პირზე (დათვალიერების საფასურის ჩათვლით) კი 20 (ოცი) ლარს.


საქორწილო ცერემონია

- ბოტანიკური ბაღის ზღვისპირა პარკში საქორწილო მაყრიონის დაშვების ღირებულება შეადგენს 100 (ასი) ლარს, ხოლო ბოტანიკური ბაღის ზღვისპირა პარკში არსებულ სარიტუალო პოდიუმზე, საქორწილო ხელმოწერის ცერემონიის გამართვასთან დაკავშირებული მომსახურების ღირებულება კი 150 (ასორმოცდაათი) ლარს.

review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
შეაფასე

დასვი კითხვა

შეაფასე ბათუმის ბოტანიკური ბაღი

საშინელი!

ცუდი!

კარგი!

ძალიან კარგი!

შესანიშნავი!