დარბაზის წმ. გიორგის ეკლესია

დარბაზის წმ. გიორგის ეკლესია მდებარეობს აღმოსავლეთ საქართველოში, ბოლნისის მუნიციპალიტეტის სოფ. დარბაზში.

დარბაზის წმ. გიორგის ეკლესია სოფლიდან დაშორებულია 3-4 კილომეტრით. იგი თავისი სტილისტური მახასიათებლებით აგებული უნდა იყოს XIII-XIV სს. მიჯნაზე. ამ ტაძრის შესახებ ინფორმაცია ფაქტიურად არ არსებობს და არც მის შესახებ მოიპოვება ინტერნეტში რაიმე ცნობები. ტაძარი რამდენიმე წლის წინ იქნა აღდგენილი, იგი ამჟამად დაკეტილია და მასში წირვა-ლოცვა არ აღევლინება. ამჟამინდელი სოფლის მოსახლეობა ეთნიკურად აზერბაიჯანელია.

დღევანდელ სოფ. დარბაზიდან დაახლოებით 1-1.5 კმ-ში მდებარეობდა სოფელი დარბაზი, ხოლო ნასოფლარის გვერდით შემორჩენილია რამდენიმე ეკლესიის ნანგრევი და ციხე/კოშკის ნანგრევი, რომელიც სავარაუდოდ სასახლის/დარბაზის ფუნქციას ასრულებდა და საუკუნეების წინ სწორედ ამიტომ ეწოდა დარბაზი ამ სოფელს.