ბათუმის სომხური ეკლესია

ბათუმის სომხური ეკლესია აჭარაში, ქალაქ ბათუმში მდებარეობს, გამსახურდიას ქუჩის 25 ნომერში. იგი 1885 წლით თარიღდება. პირველი სომხურ-გრიგორიანული ეკლესია ბათუმში 1873 წელს აიგო. იგი ხის ნაგებობას წარმოადგენდა. 1885 წელს ხის ეკლესია დაშალეს და ავსტრიელი არქიტექტორის - მალფრედის პროექტით ახალი ტაძარი ააშენეს, მრევლის შემოწირულობით შეგროვებული თანხის საშუალებით. ახალი ეკლესია ახალი ეკლესია აგურის გუმბათოვანი ნაგებობაა, რომელსაც დასავლეთის მხრიდან სამრეკლო კარიბჭე აქვს მიდგმული. შენობის ფასადები პილასტრებითა და თაღედებითაა დეკორირებული. სამრეკლოს რვა თაღით გახსნილ ფანჩატურს წარმოადგენს. ნაგებობის შესასვლელებიცა და სარკმლებიჩ თაღოვანია, გვხვდება რამდენიმე მრგვალი სარკმელიც. გუმბათი, სამრეკლოს ფანჩატური და რამდენიმე საფასადო სიბრტყე თეთრადაა შეღებილი. 1930 წელს, საბჭოთა ხელისუფლების დროს, ბათუმის სომხურმა სამოციქულო ეკლესიამ სხვა რელიგიური ძეგლების მსგავსად არსებობა შეწყვიტა. ეკლესიის შენობაში პლანეტარიუმი გაიხსნა. 1992 წელს პლანეტარიუმი ბათუმის სახელმწიფო უნივერსიტეტის ერთ-ერთ დარბაზში გადაიტანეს, ხოლო სომხურ-გრიგორიანულ ეკლესიაში ღვთისმსახურება აღსდგა.