ბიისის ჩანჩქერი

ბიისის ჩანჩქერი შიდა ქართლის მხარეში, გორის მუნიციპალიტეტის სოფელ ბიისთან ახლოს მდებარეობს, ტანას ხეობაში, ზღვის დონიდან 1080 მეტრზე. ულამაზესი ჩანჩქერი და მწვანეში ჩაფლული გარემო უამრავ მოგზაურობის მოყვარულს იზიდავს. ბიისის ჩანჩქერი შესანიშნავია მცირე ლაშქრობის მოსაწყობად, საპიკნიკედ და ზაფხულის სიცხისგან თავის დასაღწევად. ჩანჩქერის ძირას წყალი გუბდება და პატარა აუზი წარმოიქმნება, სადაც ბანაობა და გაგრილება შეგიძლიათ. ზამთარში ბიისის ჩანჩქერი იყინება და ეს ადგილი ყინულის ჯადოსნურ სამეფოდ გადაიქცევა. ბიისის მთავარ ჩანჩქერამდე გზად გაივლით ცნობილ ბიისის "ყინულის ჩანჩქერის", რომელიც ზაფხულში მხოლოდ სველი კლდეა, ზამთარში კი უმშვენიერეს ყინულის ჩანჩქერად გადაიქცევა. იგი ყოველწლიურ ყინულზე ცოცვის შეჯიბრებისათვის გამოიყენება. ბიისის ჩანჩქერი ყოველ სეზონზე საოცარ სანახაობას გვთავაზობს და ერთ-ერთი პოპულარული ტურისტული ადგილია. გზიდან ჩანჩქერამდე ფეხით გასავლელია დაახლოებით 4 კმ. გაითვალისწინეთ, რომ გზად ხშირად მოგიწევთ მდინარის გადაკვეთა.

ფოტოები ეკუთვნის ნათია ციგრიაშვილს