ჭობისხევის ეკლესია

ჭობისხევის მაცხოვრის სახელობის ეკლესია სამცხე-ჯავახეთისმხარეში, ბორჯომის მუნიციპალიტეტის სოფელ ჭობისხევში მდებარეობს. იგი განვითარებული შუასაუკუნეების ძეგლია. ტაძარი მრავალჯერ გადაკეთებულა და დღევანდლამდე დარბაზული სახით მოაღწია, ადრე კი ის სამნავიანი ან სამეკლესიიანი ბაზილიკა ყოფილა. გვერდითი ნავებიდან ამჟამად მხოლოდ საძირკვლის ფრაგმენტები შეიმჩნევა. ეკლესიას აღმოსავლეთით ნახევარწრიული აფსიდი აქვს ცენტრში გაგანიერებული სარკმლით. აფსიდის იატაკი დარბაზის იატაკთან შედარებით ერთი საფეხურით ამაღლებულია. სამხრეთის კედლის აღმოსავლეთ ნაწილში სარკმელია ამოქოლილი. დასავლეთ კედლის ცნეტრში შიგნიდან თაღოვანი და გარედან არქიტავრული კარებია. ფასადები კარგად თლილი, სწორკუთხა კვადრებითაა ნაგები. ეკლესიას მასიური კარნიზი შემოუყვება. გადახურულია გოფრირებული თუნუქით. ფასადებზე გვხვდება ორნამენტული ჩანართები რამდენიმე ადგილას. ეზოში ბუნის ქვა, ემბაზი და სხვა დეტალები ალაგია.

როგორ მივიდეთ

სოფელი ჭობისხევი ბორჯომიდან 12 კმ-ში მდებარეობს. ჭობისხევის ხიდიდან ტაძარი დაშორებულია 2,5 კმ-ით. ეკლესიამდე მიდის სამანქანო მოასფალტებული გზა.