კაკასხიდი

სოფელ კაკასხიდის სამხრეთით, მდინარე ხანისწყლის მარცხენა მხარეს, ზღვის დონიდან 600 მეტრზე. მდინარე ხანისწყალზე დღემდე ფუნქციონირებს, საფრანგეთში XIX საუკუნეში გუსტავ ეიფელის ქარხანაში ჩამოსხმული რკინის საავტომობილო ხიდი, რომელიც „ზეკრის ხეობას“ ბაღდათის სოფლებთან აკავშირებს. „კაკას ხიდი გაიარაო“, - ამბობენ იმერეთში, როცა საქმე უეჭველად გაფუჭდება, ან საქონელი დაიკარგება. კაკას ხიდზე გადიოდა ერთ-ეთი უძველესი საქარავნო გზა სამხრეთ საქართველოს მიმართულებით. თუ ქვემო იმერეთში მოტაცებულ ტყვეს მდევარი კაკას ხიდამდე მიეწეოდა, კიდევ იმედი უნდა ჰქონოდა მისი დაბრუნებისა, მაგრამ თუ ტყვე კაკას ხიდს გასცდებოდა, მისი გადარჩენის იმედი გადაწურული იყო. მანძილი თბილისიდან 240 კმ. ბაღდათიდან 15 კმ. ქუთაისიდან 45 კმ.