მწერალ-აკადემიკოს კონსტანტინე გამსახურდიას სახლ-მუზეუმი

მწერალ-აკადემიკოს კონსტანტინე გამსახურდიას სახლ-მუზეუმი სამეგრელოში, აბაშის მუნიციპალიტეტში, სოფელ ძველ აბაშაში მდებარეობს. იგი 1987 წელს დაარსდა. მუზეუმში ექსპონირებულია მწერლის მემორიალური ნივთები, ხელნაწერთა ფოტო-ასლები, მისი ცხოვრებისა და შემოქმედების ამსახველი ფოტოები და სხვადასხვა დროს, სხვადასხვა ენაზე გამოცემული ნაწარმოებები. კონსტანტინე გამსახურდიას, გარდა მნიშვნელოვანი პროზაული შემოქმედებისა, უდიდესი წვლილი მიუძღვის ქართული კრიტიკის, პუბლიცისტიკის, ესეისტიკის, პოეზიის, მთარგმნელობითი ხელოვნების, ისტორიულ-ფილოსოფიურ მეცნიერებების განვითარების საქმეში. მან თარგმნა ქართულად გოეთეს „ახალგაზრდა ვერთერის ვნებანი“, დანტე ალიგიერის „ღვთაებრივი კომედია“, უოლტ უიტმენის პოეზია და სხვა.