დაამატე ნებისმიერი ტურისტული ადგილი ან აქტივობა

Hotels
გააქირავე კოტეჯი

განათავსეთ საკუთარი კოტეჯი / სასტუმრო ჩვენს პლატფორმაზე და გააცანით თქვენი მომსახურება ათიათასობით მოგზაურს სრულიად უფასოდ.

დეტალურად
გააქირავე ტრანსპორტი
გააქირავე ტრანსპორტი

დაამატეთ საკუთარი ავტომობილი ჩვენს პლატფორმაზე და გააქირავეთ ონლაინ. ჩვენ დაგეხმარებით სოციალურ ქსელებში რეკლამის განთავსებაში

დეტალურად
გიდი
თუ ხარ გიდი, გააცანი შენი თავი მოგზაურებს

თუ ხარ გიდი და გსურს გქონდეს უშუალო კავშირი მომხმარებლებთან ყოველგვარი შუამავალი კომპანიების გარეშე, დაამატე ინფორმაცია შენ შესახებ და გააცანი საკუთარი თავი მოგზაურებს.

დეტალურად
Destination
დაამატე ინფორმაცია უცნობი ადგილების შესახებ

Georgian Travel Guide გაძლევთ საშუალებას დაამატოთ ინფორმაცია უცნობი ადგილების შესახებ. გაიცანი და გააცანი #უცნობისაქართველო საქართველოსა და მსოფლიოს

დეტალურად
Tours
გაყიდე ტურისტული მომსახურება

განათავსეთ საკუთარი ტურისტული შეთავაზებები ჩვენს პლატფორმაზე და გააცანით თქვენი მომსახურება ათიათასობით მოგზაურს სრულიად უფასოდ.

დეტალურად
აბაშა, სამეგრელო, აბაშის ცენტრალური პარკი - Abasha, Samegrelo, Abasha Central Park

აბაშა

9
ტურისტული ადგილი
309 Area
ფართობი, კმ2
20,845 Population
მოსახლეობა

აბაშის შესახებ

აბაშის მუნიციპალიტეტი სამეგრელოში მდებარეობს. იგი უძველესი ისტორიითა და ბუნების სილამაზით გამოირჩევა. აბაშაში ადამიანის ცხოვრების კვალი უძველესი დროიდან იწყება, აქ გამოვლენილია მრავალფეროვანი არქეოლოგიური მასალა და ბრინჯაოს ხანის ნამოსახლარები. რაიონის ტერიტორია შუა საუკუნეებში ჯერ მოხირისში, შემდეგ სამოქალაქოში შედიოდა. XV საუკუნის 70-იან წლებში მისი დიდი ნაწილი უშუალოდ სამეგრელოს (ოდიშის) სამთავროში შევიდა, გარკვეული ტერიტორია კი საჭილაოს ეკუთვნოდა. 1613 წლიდან საჭილაოს სამეგრელოსა და იმერეთს შორის სადავო სოფლები სამეგრელოს სამთავროს მიუერთდა. მუნიციპალიტეტის ტერიტორიაზე მრავალი საინტერესო შუა საუკუნეების კულტურულ-ისტორიული ძეგლია შემორჩენილი, რაც კულტურის მაღალ დონეზე მიუთითებს. აბაშა დღესდღეობით განვითარებული რაიონია, აქ ფუნქციონირებს თეატრი, მუზეუმი, ბიბლიოთეკები და სხვა კულტურულ საგანმანათლებლო დაწესებულებები. მუნიციპალიტეტში არის მცირე სამშენებლო და სასურსათო საწარმოები, ჩაის ფაბრიკა. რაიონში განვითარებულია სოფლის მეურნეობა, მისდევენ მიწათმოქმედებასა და მეცხოველეობას. მნიშვნელოვანი კულტურული ძეგლები და ლამაზი ბუნება მუნიციპალიტეტის დიდ ტურისტულ პოტენციალს განაპირობებს და მრავალ მოგზაურობის მოყვარულს იზიდავს.


გეოგრაფია

აბაშის მუნიციპალიტეტი სამეგრელოში მდებარეობს, კოლხეთის დაბლობზე. იგი ზღვის დონიდან 20-50 მეტრის სიმაღლეზეა განლაგებული. მუნიციპალიტეტის ადმინისტრაციული ცენტრია ქალაქი აბაშა. რაიონს ჩრდილოეთიდან მარტვილის მუნიციპალიტეტი ესაზღვრება, აღმოსავლეთით - სამტრედია და ხონი, სამხრეთით - სამტრედია და ლანჩხუთი, დასავლეთით კი - სენაკი. აბაშა 16 ადმინისტრაციულ ერთეულს მოიცავს, ესენია: ქალაქი აბაშა, გეზათი, ზანათი, კეთილარი, მარანი, ნაესაკოვო, ნორიო, ონტოფო, პირველი მაისი, სამიქაო, სეფიეთი, სუჯუნა, ტყვირი, ქოლობარი, ძველი აბაშა და წყემი. რაიონის ტერიტორიაზე ხშირი ჰიდროგრაფიული ქსელია, აქ მოედინება მდინარეები: რიონი, ცხენისწყალი და აბაშა, ასევე მცირე მდინარეები: ნოღელა, კოვზა და ზანა. მუნიციპალიტეტის უმაღლესი ადგილი სოფელ სეფიეთის მიდამოებში მდებარეობს. აბაშაში გავრცელებულია კოლხური ტიპის მცენარეული საფარი, აქ გვხვდება: მურყანი, ჭალის მუხა, წიფელი, თელა, თუთა, პანტა და სხვა. რაიონი ფაუნის მრავალფეროვნებით ხასიათდება, გავრცელებულია: მელა, მაჩვი, წავი, ტურა, კურდღელი და ა.შ, მრავლადაა მწყერი, ყვავი, ჩხიკვი, გუგული და სხვა.
აბაშის მუნიციპალიტეტში ნოტიო სუბტროპიკული ჰავაა. საშუალო წლიური ტემპერატურაა 14 °C, იანვრის საშუალო ტემპერატურაა 4.9 °C, ივლისისა კი - 22.9 °C.


რა ვნახოთ

აბაშის მუნიციპალიტეტი გამოირჩევა კულტურულ-ისტორიული ძეგლების სიმრავლითა და ბუნების სილამაზით. რაიონის ტერიტორია ვაკე-დაბლობია, აქ არ არის მაღალი მთები ან დიდი ჩანჩქერები, თუმცა ბუნებაში ხეტიალის მოყვარულები ნამდვილად იპოვნიან მიმზიდველ ადგილებს მოგზაურობისთვის და თავგადასავლებისთვის. განსაკუთრებული პოპულარობით სარგებლობს წყემის ნაკრძალი და კაცობურის აღკვეთილი, სადაც ნათელი ჭალის ტყეებით და ულამაზესი ყვავილოვანი მინდვრებით დატკბობას შეძლებთ. რაიონი მიმზიდველია კულტურით დაინტერესებულთათვისაც, აქ მრავალი უძველესი ძეგლი მონახულებას შეძლებთ. აბაშაში შეგიძლიათ მოინახულოთ: სეფიეთის მთავარანგელოზის ეკლესია, კადარის ეკლესია, მაჩხომერის ციხე, ტყვირის ეკლესია, ყურუმულიას ციხე, სუჯუნის ეკლესია და სხვა. რაიონში მდებარეობს ასევე ქართველი მწერლის - კონსტანტინე გამსახურდიას სახლ-მუზეუმი.


ბუნება


კულტურული ძეგლები


ყველა ადგილის სანახავად დააჭირეთ აქ

ტურები სამეგრელოში

წაჩხურობა მარტვილში
სათავგადასავლო ტურები
წაჩხურობა მარტვილში

თუ ლეგენდების მოსმენა გიყვარს და სასწაულების გჯერა, მაშინ ეს ტური თქვენთვისაა!GTG TOUR გთავაზობთ 1 დ...

30.00 ₾ კაცზე

დაჯავშნა

რუკა

Map placeholder
კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე აბაშა

საშინელი!

ცუდი!

კარგი!

ძალიან კარგი!

შესანიშნავი!