ომუნეს (ყენიას) სასიგნალო ჯიხა

"ყენიას კოშკი" ხეობის დამცველი სასიგნალო კოშკი იყო და ის ებარა ყენიას გვარს. მსგავსი კოშკი, არაერთი, დაირღვა კიდეც ენგურჰესის მშენებლობის დროს.
"სვანური კოშკი" კი სრულიად განსხვავებული ფუნქციისაა. მისი დანიშნულებიდან, კუთვნილებიდან და მდებარეობიდან გამომდინარე, ომუნეს ყენიას კოშკის "სვანურ კოშკად" მონათვლა გაუგებარი და "ახალგაზრდა" შეცდომაა. ასეთი შეცდომა კი განსაკუთრებით შემეცნებითი ხასიათის პოპულარულ ვებ-გვერდებზე არ უნდა გაიპაროს.