ზუგდიდი, სამეგრელო - Zugdidi, Samegrelo

ზუგდიდი

1
ტურისტული ადგილი
678 Area
ფართობი, კმ2
103,259 Population
მოსახლეობა

ზუგდიდის შესახებ


საუკეთესო პერიოდი: ყველა სეზონი

ზუგდიდი სამეგრელო - ზემო სვანეთის მხარეში მდებარე მუნიციპალიტეტია. მისი ტერიტორია უძველესი დროიდან იყო დასახლებული. აქ გვხვდება მრავალი ნამოსახლარი ადრებრინჯაოს ხანიდან (ძველი წელთაღრიცხვის მესამე ათასწლეული) ანტიკური პერიოდის (ძვ. წ. VI – ახ. წ. IV ს.ს.) ჩათვლით. ელინისტურ პერიოდში თანამედროვე ზუგდიდის მუნიციპალიტეტის ტერიტორიაზე მნიშვნელოვანი სავაჭრო გზა გადიოდა და სავაჭრო საქონლის ტრანსპორტირება ხდებოდა ელინურ სამყაროში. წერილობით წყაროებში ზუგდიდს პირველად ბერი ეგნატაშვილი იხსენიებს 1572 წელს. მეცნიერთა აზრით ზუგდიდი, ზურგდიდი, ზუგიდი – მეგრულად დიდ ბორცვს ნიშნავს. ასე ეწოდებოდა ბორცვს, რომელიც მოგვიანებით მანცხვარკარიშ სუკიად (მაცხოვრის კარის გორაკად) იწოდებოდა, რომლის სახელი შემდეგ მიიღო აქვე გაშენებულმა ქალაქმა. ქალაქი ზუგდიდი, დღევანდელი ზუგდიდის მუნიციპალიტეტის ადმინისტრაციული ცენტრი, ძველ საქართველოში მნიშვნელოვანი ქალაქი იყო. ლევან II დადიანის ზეობის ხანაში ოდიშის სამთავრო დასავლეთ საქართველოს სამეფო–სამთავროებს შორის უძლიერესი იყო. ზუგდიდი კი, როგორც ამ სამთავროს სატახტო, საკმაოდ მნიშვნელოვან ქალაქად გადაიქცა. უძველესი ისტორიის მქონე ზუგდიდის მუნიციპალიტეტი გამორჩეულია მშვენიერი ბუნებითა და მნიშვნელოვანი კულტურული ძეგლებით. აქ ნახავთ უძველეს ნამოსახლარებს, ისტორიულ ციხე-სიმაგრეებსა და შუა საუკუნეების ტაძრებს. ზუგდიდის ყველაზე ცნობილი ღირსშესანიშნაობა დადიანების სასახლეა, რომელიც შთაბეჭდილებას ახდენს მნახველზე არქიტექტურითა და ექსპონატებით. სასახლის გარშემო დადიანების მიერ გაშენებული ბოტანიკური ბაღია, სადაც მრავალი სახეობის მცენარე იზრდება, მათ შორის მაგნოლიის ექვსი სახეობა, სხვადასხვა სახეობის მუხა, ატლასისა და ჰიმალაის კედარი, კანარის ვერხვი, აზიის, მათ შორის ინდოეთის, იაპონიის, ხმელთაშუაზღვისპირეთის, ამერიკის და სხვა ადგილებიდან შემოტანილი რელიქტური და ენდემური მცენარეები.


გეოგრაფია და კლიმატი

ზუგდიდის მუნიციპალიტეტი დასავლეთ საქართველოს ცენტრალურ ნაწილში, სამეგრელო-ზემო სვანეთის მხარეში მდებარეობს. მისი ადმინისტრაციული ცენტრია ქალაქი ზუგდიდი. მუნიციპალიტეტის დასავლეთი საზღვარი შავი ზღვის სანაპიროს მიუყვება, ჩრდილო–დასავლეთით მას აფხაზეთის ადმინისტრაციული ზოლი, ჩრდილოეთით  და ჩრდილო–აღმოსავლეთით წალენჯიხის, აღმოსავლეთით ჩხოროწყუს, სამხრეთით კი ხობის მუნიციპალიტეტები ესაზღვრება. მუნიციპალიტეტს უჭირავს ოდიშის დაბლობი, ოდიშის პლატო და ურთას მთიანი ზონა. ზუგდიდის ტერიტორია ლანდშაფტურად შემდეგნაირად იყოფა: დაჭაობებული ვაკე–დაბლობი, ჭალები, დაბალი ვაკე–დაბლობი, ბორცვიანი მთისწინეთი, კარსტული სერი. რაიონში მრავლადაა მდინარეები, ჭაობები, მცირე ტბები და წყაროები, რომელბიც ოდითგანვე დიდ როლს ასრულებდნენ ადგილობრივ სამეურნეო და სამიმოსვლო ურთიერთობებში. მთავარი მდინარეა ენგური. გარდა ენგურისა ზუგდიდის ტერიტორიას კვეთს მდინარეები: ჯუმი, ჩხოუში, ჭანისწყალი, რუხი და სხვა.
ზუგდიდის მუნიციპალიტეტის მთელი ტერიტორია ზღვის ნოტიო სუბტროპიკული ჰავის ოლქშია მოქცეული, ვაკე–დაბლობი და გორაკ–ბორცვიანი ზოლი გამოირჩევა ნოტიო თბილი ჰავით, უთოვლო ზამთრით და ცხელი ზაფხულით. ჰავის ხასიათზე დიდ გავლენას ახდენს შავი ზღვის სიახლოვე. იანვრის საშუალო ტემპერატურა დაბლობში არის 6 – 7°C, ივლისისა კი - 22°C.


რა ვნახოთ

ზუგდიდი უძველესი კულტურის მქონე რაიონია და მდიდარია ღირსშესანიშნაობებით. აქ ნახავთ წინარექრისტიანული ცივილიზაციების ნაშთებს, ციხე-სიმაგრეებს, საინტერესო ტაძრებს. აღსანიშნავია ქალაქ ზუგდიდში მდებარე დადიანების სასახლე, სადაც წარმოდგენილია ამ მხარის არქეოლოგიური და ეთნოგრაფიული მასალა, ეროვნული და ევროპული კულტურული მემკვიდრეობის ნიმუშები. მუზეუმში 50000-მდე ექსპონატია დაცული. ძალიან ლამაზია სასახლის გარშემო გაშენებული ბოტანიკური ბაღი, რომელიც მცენარეთა მრავალფეროვნებით გამოირჩევა და შესანიშნავია სასეირნოდ და განტვირთვისთვის. რაიონი მოიცავს კოლხეთის ეროვნული პარკის ნაწილს. ზუგდიდში შეგიძლიათ დასვენება ბალნეოლოგიურ კურორტ ცაიშში, ასევე მბრწყინავი სანაპიროებით, პოზიტიური ემოციებით, ფერადოვნებით და მზით ტკბობა ზღვისპირა კურორტ ანაკლიაში. 


ბუნება


კულტურული ძეგლები

  • დადიანების სასახლე
  • კორცხელის ღვთისმშობლის ეკლესია
  • ცაიშის საკათედრო ტაძარი
  • კოკის ეკლესია
  • რუხის ციხე
  • ანაკლიის ციხე


კურორტები

  • ცაიში
  • ანაკლია


ყველა ადგილის სანახავად დააჭირეთ აქ


დადიანების სასახლე - palace of Dadiani
დადიანების სასახლე

დადიანების სასახლე - სამეგრელოს მთავრების, დადიანების რეზიდენცია იყო. ის ოდიშის მთავარმა – ლევან II ...

იხილეთ ასევე

დადიანების სასახლე - სამეგრელოს მთავრების, დადიანების რეზიდენცია იყო. ის ოდიშის მთავარმა – ლევან II დადიანმა ააშენა, მე-17 საუკუნეში. იგი ქალაქ ზუგდიდ...

ღვთისმშობლის ხარების სახელობის ტაძარი - ქალაქ ზუგდიდში, სამეგრელოს მხარეში....

ყოვლადწმინდა ღვთისმშობლის შობის სახელობის ეკლესია (საჯვაროს ეკლესია) - ქალაქ ზუგდიდში, სამეგრელო. ტაძარი აგებულია 2007 წელს, ზუგდიდისა და ცა...

ზუგდიდის ბოტანიკური ბაღი - ეკატერინე ჭავჭავაძის მიერ, XIX საუკუნეში გაშენებული, როგორც მთავრის რეზიდენციის დეკორატიული ბაღი, დადიანების სასა...

ზუგდიდის ვლაქერნის ყოვლადწმიდა ღმრთისმშობლის ხატის სახელობის საკათედრო ტაძარი - ლევან V დადიანის დროს (1825-1830 წწ.), აშენებული ქართული ტაძ...

რუხი — სოფელი სამეგრელოში, ზუგდიდის მუნიციპალიტეტში, ოდიშის დაბლობზე. მდინარე ენგურის მარცხენა სანაპირო, ზუგდიდი – გალის სავტომობილო გზაზე, ზღვის დონი...

რუხის ციხე — შუა საუკუნეების ციხესიმაგრე სოფელი რუხის ტერიტორიაზე ზუგდიდის რაიონში, სამეგრელოს მხარეში, მდინარე ენგურის მარცხენა ნაპირას.რუხის ციხესიმ...

წმინდა ნიკოლოზის სახელობის ტაძარი - სოფელ რუხში, ზუგდიდის მუნიციპალიტეტში, სამეგრელო....

ენგურის ხიდი - მდინარე ენგურზე გამავალი ხიდი, რომელიც აკავშირებს სამეგრელოსა და აფხაზეთის რეგიონებს. ხიდი წარმოდგენს ადმინისტრაციულ საზღვარს და საოკუპ...

შამგონა ( შამგონის კუნძული ) — სოფელი სამეგრელოს მხარის, ზუგდიდის მუნიციპალიტეტში, ზღვის დონიდან 67 მეტრზე. იგი მდინარე ენგურსა და რუხისწყალ...

ცაიში — სოფელი, ბალნეოლოგიური კურორტი სამეგრელოს მხარის, ზუგდიდის მუნიციპალიტეტში. მდებარეობს ოდიშის დაბლობზე, მდინარე ჯუმის სანაპიროზე, ზღვის დო...

ცაიშის ყოვლადწმინდა ღვთისმშობლის მიძინების სახელობის საკათედრო ტაძარი მდებარეობს სამეგრელოს მხარეში, ზუგდიდის მუნიციპალიტეტში, მისგან სამხრეთ-დასავლეთ...

ქვის თაღოვანი ხიდი ( თამარის ხიდი ) - სოფელ ცაიშში, ზუგდიდის მუნიციპალიტეტი, სამეგრელო. გვიანი შუა საუკუნეების ხიდს საქართველოს კულტურული მემკვიდრეობი...

იხილეთ ასევე
review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ზუგდიდი

საშინელი!

ცუდი!

კარგი!

ძალიან კარგი!

შესანიშნავი!