პანტიანის ტბა

პანტიანის ტბა (პანტიანის წყალსაცავი) ქვემო ქართლის მხარეში, დმანისის მუნიციპალიტეტში მდებარეობს, ზღვის დონიდან 1368 მეტრზე. წყლის სარკის ფართობი 0,6 კმ²-ა. ის ხელოვნურად შექმნილი წყალსაცავია, რომელიც წიწვოვანი ტყითაა გარშემორტყმული. მწვანეში ჩაფლული მოლივლივე ტბა მშვენიერ გარემოს ქმნის ბუნებაში განტვირთვის მოყვარულთათვის და ზაფხულის სიცხისგან თავის დასაღწევად. ეს ადგილი შესანიშნავია საპიკნიკედ და მეგობრებთან თუ ოჯახთან ერთად სასიამოვნო დროის გასატარებლად. პანტიანის ტბა თევზაობის მოყვარულებსაც იზიდავს, ტბაში ბინადრობს სარკისებური კობრი, კარჩხანა, თეთრი ამური და კალმახი. ტყე, სუფთა ჰაერი, მოლურჯო-მომწვანო ტბა და ლამაზი ხედები დადებითი ენერგიით აგავსებთ და მსუბუქ, ხალისიან განწყობას შეგიქმნით.