შატო მუხრანი

„შატო მუხრანი“ პირველი ქართული შატოა. მისი საქმიანობა ეფუძნება მეღვინეობის იმ უნიკალური ტრადიციის გაგრძელებას, რომელიც შექმნა ბაგრატიონთა დინასტიის წარმომადგენელმა ივანე მუხრანბატონმა. შატოს კონცეფცია მოიცავს 4 ძირითად ფასეულობას: საკუთარ ვენახებს, უნიკალურ მიწისქვეშა მარნებს, სასახლესა და ისტორიას.

2002 წელს, ბიზნესმენებმა ფრედერიკ პოლსენმა, მამუკა ხაზარაძემ და ბადრი ჯაფარიძემ საფუძველი ჩაუყარეს „შატო მუხრანის“ აღდგენის პროექტს. შედეგად, აღდგენილ იქნა ღვინის საწარმო, ვენახები, მარნები, საჯინიბო და მუხრანბატონის სასახლე.  

2011 წლიდან „შატო მუხრანში“ იწყება ღვინის ტურიზმის განვითარებას. ეს მიმართულება მოიცავს ღვინის ტურების, კორპორატიული საღამოების, დღესასწაულების, ვორქშოფების, სემინარებისა და სხვა სახის ღონისძიებების ორგანიზებას ბაგრატიონთა სასახლეში. „შატო მუხრანის“ რესტორანი „სამეფო მარანი 1878“ სტუმრებს უმაღლესი კლასის მომსახურებას და მრავალფეროვან მენიუს სთავაზობს. რესტორნის სპეციალურად შერჩეული A La Carte მენიუ ქართული და ევროპული სამზარეულოს საუკეთესო სინთეზს წარმოადგენს.