შსს-ს შენობა

საქართველოს შსს-ს (შინაგან საქმეთა სამინისტრო) შენობა თბილისში, კახეთის გზატკეცილზე მდებარეობს. იგი თბილისის თანამედროვე არქიტექტურის ერთ-ერთი ცნობილი ნიმუშია. შენობის არქიტექტორია მიკელე დე ლუკი. ამ იტალიელმა არქიტექტორმა იმუშავა აგრეთვე მშვიდობის ხიდსა და პრეზიდენტის სასახლის პროექტზეც. შსს-ს შენობა მინიმალიზმით ხასიათდება. ტალღოვანი ფორმის, შემინული ფასადი სიმსუბუქისა და დინამიურობის შთაბეჭდილებას ტოვებს ნაგებობის მასშტაბური ზომების მიუხედავად. ნაგებობის წინ მოწყობილია დიდი აუზი. ლურჯი წყალი და ანარეკლები კიდევ უფრო აძლიერებს შთაბეჭდილებას, სივრცის აღქმას.