სახელმწიფო ცერემონიების სასახლე (ავლაბრის რეზიდენცია)

სახელმწიფო ცერემონიების სასახლე (ავლაბრის რეზიდენცია)

შენობა

სახელმწიფო ცერემონიების სასახლე (ავლაბრის რეზიდენცია)ს შესახებ

საუკეთესო პერიოდი: ყველა სეზონი

სახელმწიფო ცერემონიების სასახლე (ავლაბრის რეზიდენცია) ძველ თბილისში, ავლაბარში, მალხაზ აბდუშელაშვილის ქუჩაზე მდებარეობს. სასახლე 2004-2009 წლებში აშენდა. კომპლექსი დაახლოებით 22000 მ² ფართობის მქონე ტერიტორიას მოიცავს, აქედან 1500 მ² უშუალოდ საპრეზიდენტო სასახლეს უჭირავს. სასახლის კომპოზიცია კლასიკურია - სამ-პორტიკიანი ჰორიზონტალური შენობა, ცენტრში გუმბათით სრულდება. სასახლე ოთხსართულიანია, სარკული სიმეტრიის მქონე. ცენტრალურ ნაწილში ჰოლია, სადაც XI საუკუნის ძვირფასად შემკული ბიბლიაა განთავსებული. ჰოლის თავზე, მესამე სართულზე, გუმბათქვეშა სივრცეა, რომელიც სხვადასხვა ღონისძიებებისთვისაა განკუთვნილი. აქედანვეა შესაძლებელი გუბათქვეშა პანდუსზე ასვლა. მთელი შენობა გამართულია მცირედ სახეცვლილი დორიული კოლოსალური ორდერით. სასახლის პირველ სართულზე მუზეუმია განთავსებული, სადაც სხვადასხვა ქვეყნის ლიდერებისა და საქართველოს საპატიო სტუმრების მიერ საქართველოს პრეზიდენტისათვის საჩუქრად მიძღვნილი ნივთებია გამოფენილი. სასახლის გუმბათი, რომელიც შენობის კოპოზიციაში დომინანტი ელემენტია, ქართველი არქიტექტორის ვახტანგ ზესაშვილისა და იტალიელი არქიტექტორის ფრანკო ძაგარის ერთობლივი ნამუშევარია. საპრეზიდენტო სასახლის სამხრეთ-აღმოსავლეთით პრეზიდენტის კანცელარიის კორპუსი დგას, რომელიც პრეზიდენტის სასახლეს გამჭვირვალე ხიდით უკავშირდება. სასახლის ეზოში რამდენიმე მცირე არქიტექტურული ფორმაა განთავსებული. სახელმწიფო ცერემონიების სასახლე XIX საუკუნის საგზაო ინსპექციის შენობის ადგილასაა აგებული. თავიდან ძველი შენობის რეკონსტრუქცია იგეგმებოდა, თუმცა მისმა მდგომარეობამ მთლიანად დაშლა და თავიდან აგება გახადა აუცილებელი. კომპლექსის პროექტი დეველოპერული კომპანია „არსის“ საპროექტო სტუდიაში დამუშავდა. მათ ეკუთვნით სახელმწიფო ადმინისტრაციის კორპუსის პროექტიც. ნაგებობაზე რამდენიმე არქიტექტორი მუშაობდა. პროექტის ავტორი გიორგი ბათიაშვილია, თუმცა საბოლოო სახე მას იტალიელმა არქიტექტორმა მიკელე დე ლუკიმ მისცა. მიკელე დე ლუკის შექმნილია ასევე შსს-ს ახალი შენობა და მშვიდობის ხიდი.

რუკა

კითხვები

Please login to ask a question

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე სახელმწიფო ცერემონიების სასახლე (ავლაბრის რეზიდენცია)

საშინელი!

ცუდი!

კარგი!

ძალიან კარგი!

შესანიშნავი!