თელავის ღვთისმშობლის ეკლესია

თელავის ღვთისმშობლის ეკლესია კახეთში, ქალაქ თელავში მდებარეობს, თელავის უძველესი ნაწილის დასაწყისში, ჩოლოყაშვილის ქუჩაზე. იგი გვიანი შუასაუკუნეების საეკლესიო ხუროთმოძღვრების ერთ-ერთი თვალსაჩინო ნიმუშია. ტაძარი ჯვარ-გუმბათოვან ნაგებობას წარმოადგენს. გეგმით ის ჩახაზული ჟვრის ტიპისაა, აღმოსავლეთიდან დასავლეთისკენ წაგრძელებული მკლავით. აღმოსავლეთის მკლავი სწორკუთხედში მოქცეული ნახევარწრიული აფსიდით სრულდება. აფისდის ჩრდილოეთით და სამხრეთით კვადარტული სამკვეთლო და სადიაკვნეა. ტაძრის დასავლეთით, ზედა იარუსზე, პატრონიკეა მოწყობილი. გუმბათი ოთხ თავისუფლად მდგომ ბურჯზე გადაყვანილ თაღებს ეყრდნობა. გუმბათის მაღალი ყელი თორმეტი თაღოვანი სარკმლითაა დანაწევრებული. ეკლესიის ფასადების მორთულობას აგურით გამოყვანილი რელიეფური ჯვრებისა და თაღოვანი სისტემების კომპოზიცია ქმნის. ნაგებობას სამი შესასვლელი აქვს - დასავლეთიდან, სამხრეთიდან და ჩრდილოეთიდან. ეკესია ნაგებია კახური აგურით.