წყალთაშუას ტაძარი

მდებარეობს მდინარე წაბლარისწყლის ხეობაში. 380 მეტი ზ.დ. მისასვლელი გზა: მანძილი თბილისიდან 233 კმ. ბაღდათიდან 13 კმ. ქუთაისიდან 38 კმ. წყალთაშუას სახელწოდება მომდინარეობს მისი ბუნებრივი მდებარეობის გამო, აღმოსავლეთით მდინარე ხანისწყალი ჩამოედინება, ხოლო დასავლეთით მდინარე წაბლარასწყალი. XX საუკუნის 70–იან წლებში არქეოლოგ ჯ. ჯღამაიას ხელმძღვანელობით სოფ. წყალთაშუაში გამოავლინეს და ნაწილობრივ შეისწავლეს ამ სოფლის ტერიტორიაზე მდებარე განვითარებული ფეოდალური ხანის სამონასტრო კომპლექსი. ამავე ექსპედიციამ აღმოაჩინა ჩვ.წ.1 ს–ის სამარხის ნაშთები, ნაპოვნი იქნა პოლემონ მეორის დროინდელი პონტოური ოქროს მონეტა. ამ სამონასტრო კომპლექსის შესახებ გვაწვდის ცნობას ვახუშტი ბატონიშვილი:"ამ წყალზედ ციხის სამხრით, ფერსათის კალთას, არს მონასტერი გუმბათიანი, კეთილშენი და აწ უქმი".