ზესხოს ხეობა

ზესხოს ხეობა სვანეთში, ლენტეხის მუნიციპალიტეტში მდებარეობს. მდინარე ზისხო კავკასიონის სამხრეთ კალთაზე, შარივცეკის უღელტეხილის დასავლეთით იღებს სათავეს, ზღვის დონიდან 2780 მეტრზე. ხეობა გამოირჩევა ულამაზესი ბუნებით. აქ საინტერესო და თავგადასავლებით სავსე სალაშქრო მარშრუტების დაგეგმვა შეგიძლიათ. ერთ-ერთი პოპულარული მარშრუტია ზესხო - ღები, რომლითაც ლენტეხიდან რაჭაში შეძლებთ გადასვლას და გზად სასვანოს ტბებსაც მოინახულებთ. ზესხოს ხეობაში მოწყობილია ალპინისტური ბანაკი - “ზესხო”, რომელიც შესანიშნავია საბანაკედ. ულამაზესი მინდვრები, მთები, საოცარი ხედები მწვერვალებზე, სუფთა ჰაერი და ბუნების პირველყოფილი სილამაზე წარუშლელ შთაბეჭდილებას ახდენს მნახველზე და მრავალ ხეტიალისა და თავგადასავლების მოყვარულს იზიდავს. თუკი ზღაპრულ სამყაროში მოგზაურობა გსურთ, ზესხოს ხეობაში ნამდვილად დაგხვდებათ ჯადოსნური გარემო.