დაამატე ნებისმიერი ტურისტული ადგილი ან აქტივობა

company-940-x-788-3-1
გაყიდე ტურისტული მომსახურება

განათავსეთ საკუთარი ტურისტული შეთავაზებები ჩვენს პლატფორმაზე და გააცანით თქვენი მომსახურება ათიათასობით მოგზაურს სრულიად უფასოდ.

დეტალურად
for-contributors
დაამატე ინფორმაცია უცნობი ადგილების შესახებ

Georgian Travel Guide გაძლევთ საშუალებას დაამატოთ ინფორმაცია უცნობი ადგილების შესახებ. გაიცანი და გააცანი #უცნობისაქართველო საქართველოსა და მსოფლიოს

დეტალურად
for-guides
თუ ხარ გიდი, გააცანი შენი თავი მოგზაურებს

თუ ხარ გიდი და გსურს გქონდეს უშუალო კავშირი მომხმარებლებთან ყოველგვარი შუამავალი კომპანიების გარეშე, დაამატე ინფორმაცია შენ შესახებ და გააცანი საკუთარი თავი მოგზაურებს.

დეტალურად
ოქროსწყლის ტბები, ოქროწყლია ტბები, დიდი ოქროწყალი, სვანეთი - okrotskali lakes, okrostskali lakes, large okrostskali, Svaneti

დიდი და პატარა ოქროწყლის ტბა

დიდი და პატარა ოქროწყლის ტბის შესახებ

საუკეთესო პერიოდი: ივლისი, აგვისტო, სექტემბერი

ოქროწყლის ტბები ( იგივე ოქროსწყლის ტბები ) - დიდი ოქროწყლის ტბა და პატარა ოქროწყლის ტბა, მდებარეობს ზემო სვანეთში, მესტიის მუნიციპალიტეტში, სვანეთისა და აფხაზეთის საზღვარზე, ხოჯალის ქედის (კოდორის ქედის განშტოება) აღმოსავლეთ კალთაზე.

ოქროწყლის ტბების მარშრუტი ერთ-ერთი ყველაზე ნაკლებად ცნობილი და ამავდროულად ყველაზე შთამბეჭდავი მარშრუტია. ტბებითა და პანორამული ხედებით მოგვრილი სიამოვნება გადაფარავს ტბების სანახავად გაწეულს ძალისხმევას. დიდი ოქროწყალი ფირუზისფერია და შეგრძნებას გიტოვებთ თითქოს ზღვის ნაპირზე იმყოფებოდეთ, ხოლო პატარა ოქროწყალი უფრო მუქი ფერია.

ტბებამდე მისაღწევად საჭიროა ხაიშის თემის სოფელ ლუხამდე ჩასვლა, სადაც მიდის ნებისმიერი ტიპის ავტომობილი. საფეხმავლო ბილიკი სოფელი ლუხიდან 25 კმ-ში იწყება. სოფელი ლუხიდან ბილიკის დასაწყისამდე 25 კილომეტრიანი მონაკვეთის გავლა შესაძლებელია მაღალი გამავლობის (4X4) ავტომობილით, ან 20 კილომეტრის გავლა სატვირთო ავტომობილით რომლის დაქირავებაც შესაძლებელია სოფელში.

ბილიკის პირველი მონაკვეთი აფხაზეთისკენ მიმავალ სამანქანე გზას მიუყვება და ძველი სამანქანე გზითვე ეშვება ტყეში. ტყეში დაშვებიდან მალევე სამანქანე გზა ძველ მიტოვებულ ვაგონთან მთავრდება და გზიდან ბილიკზე ვინაცვლებთ. ბილიკი ტყის მონაკვეთში დაახლოებით 1 კმ სიგრძის არის და ხშირად გხვდებათ ტალახიანი მონაკვეთები. ტყის მონაკვეთის შემდგომ გავდივართ მინდორზე, რომლის სიგრძე დაახლოებით 1.5 კმ-ია და მაღალი ბალახებით არის დაფარული. ამ მონაკვეთზე კვალი ნაკლებად ეტყობა და გზის გაკვლევა შედარებით რთულია. ამ მინდვრების გვერდით მოჩანს საზაფხულო ძველი ქოხი, რომელსაც ადგილობრივების თქმით, აფხაზეთის ომის დროინდელი მძიმე ისტორიები უკავშირდება.

მინდვრის გავლის შემდგომ ბილიკი კვეთს მდინარე ორმელეთს, რომლის გადაკვეთის შემდეგ ბილიკი მიუყვება მცირე აღმართებს ტყისკენ, ბალახის სიმაღლეც ნელ-ნელა მცირდება. გზად ბილიკი პატარა ლამაზ ტყეში გავლის, სადაც მრავალი წლის უკანდელი წარწერებია ხეებზე.

ტყიდან გასვლის შემდომ ბილიკი გადის უზარმაზარ გაშლილ მწვანე მინდორზე, რომელიც კლდეებით არის შემოსაზღვრული და არაჩველებრივი ხედი იშლება თქვენს თვალწინ. მოსჩანს მდინარე ოქროსწყალი, რომელიც გადმოედინება 400 მეტრი სიგრძის ფერდობზე და ქმნის ჩანჩქერების კასკადს. ადვილი მისახვედრია რომ ეს ჩანჩქერების კასკადი პირდაპირ ოქროსწყლის ტბიდან გადმოედინება.

მინდვრის გავლის შემდგომ იწყება ბილიკის ყველაზე რთული მონაკვეთი, რომელიც ბოლო აღმართს წარმოადგენს. ბოლო აღმართზე ბილიკი არ ეტყობა, მიუყვება ჩანჩქერების კასკადს მარცხენა მხრიდან, არის ციცაბო, ზედაპირი არის ბალახითა და დეკით დაფარული, ადგილ-ადგილ შეგხვდებათ ქვიანი მონაკვეთებიც, გიწევთ ვერტიკალში 400 მეტრის აწევა, რომლის გადალახვაც დიდ ძალისხმევას მოითხოვს.

დიდი ოქროწყლის ტბიდან პატარა ოქროწყლის ტბამდე გადასასვლელი მარშრუტი მეტად სახიფათოა. უნდა გადალახოთ ვიწრო ქედი, ძალიან ციცაბო ფერდობი და ახვიდეთ კლდეზე, რომლის რელიეფი წლიდან წლამდე იცვლება. ვერტიკალში გიწევთ 550 მეტრის აწევა და ორი უღელტეხილის გადალახვა, ერგზაშირას უღელტეხილი და მეორე 2900 მეტრი სიმაღლის უღელტეხილი, რომელიც წარმოადგენს საოკუპაციო ხაზს, აქ სვანეთსა და ოკუპირებულ აფხაზეთს შორის გადის ადმინისტრაციული საზღვარი და აქედან იშლება თვალწარმტაცი ხედები აფხაზეთზე და კარგ ამინდში მოსჩანს ზღვაც.

საფეხმავლო ბილიკი საშუალო სირთულისაა, თუმცა როგორც აღვნიშნეთ ბილიკის ბოლო მონაკვეთი საკმაოდ რთულია, ბოლო აღმართი საკმაოდ ციცაბოა, რომლის გადალახვაც დიდ ძალისხმევას მოითხოვს, თუმცა აღმართის ბოლოს ნანახი გვავიწყებს ამ უკანასკნელს.


თეგები: #ლაშქრობა #ცხენტური #ცხენი #ჯირითი #მხედარი #trekking #Backpacking #სათავგადასავლო ტურები
42.960059 , 42.195953
რეკომენდებული დრო: 3 დღე
ჯამური მანძილი: 20 კმ
სირთულე: რთული

ჩვენი გიდები მზად არიან დაგეხმარონ ამ ადგილის მონახულებაში

27798218_2076211602649485_920825 13891881_1062705333765157_135766 13198397_1108281659211461_125501
+13
დაჯავშნე ტურები ონლაინ!

შეიძინე ტურები სახლიდან გაუსვლელად და აღმოაჩინე შენი საქართველო!

ყველას ნახვა

რუკა

Map placeholder

ტურები სვანეთში

1
სათავგადასავლო ტურები
სამ დღიანი ტური სვანეთში

ეძებ დაუვიწყარ თავგადასავალს? გინდა მოინახულო ლეგენდებით სავსე მხარე? საქართველოს უმაღლესი მწვერვალი...

კაცზე 95.00 ₾

დაჯავშნა
კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
Guga Tavadze
Guga Tavadze

gamarjobat
mainteresebs saidan xdeba gasvla

Mariam Pirashvili
Mariam Pirashvili

მოგესალმებით, ლაშქრობას იწყებთ სოფელი ლუხიდან.

review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე დიდი და პატარა ოქროწყლის ტბა

საშინელი!

ცუდი!

კარგი!

ძალიან კარგი!

შესანიშნავი!