დაამატე ნებისმიერი ტურისტული ადგილი ან აქტივობა

Company - 940 x 788 – 3
გაყიდე ტურისტული მომსახურება

განათავსეთ საკუთარი ტურისტული შეთავაზებები ჩვენს პლატფორმაზე და გააცანით თქვენი მომსახურება ათიათასობით მოგზაურს სრულიად უფასოდ.

დეტალურად
for-contributors
დაამატე ინფორმაცია უცნობი ადგილების შესახებ

Georgian Travel Guide გაძლევთ საშუალებას დაამატოთ ინფორმაცია უცნობი ადგილების შესახებ. გაიცანი და გააცანი #უცნობისაქართველო საქართველოსა და მსოფლიოს

დეტალურად
for-guides
თუ ხარ გიდი, გააცანი შენი თავი მოგზაურებს

თუ ხარ გიდი და გსურს გქონდეს უშუალო კავშირი მომხმარებლებთან ყოველგვარი შუამავალი კომპანიების გარეშე, დაამატე ინფორმაცია შენ შესახებ და გააცანი საკუთარი თავი მოგზაურებს.

დეტალურად

ღოუბნის "ორმოცნი"ს შესახებ

საუკეთესო პერიოდი: ყველა სეზონი

ღოუბნის ორმოცნი XVI–XVII საუკუნეების ძეგლია, რომელიც ქვემო ქართლის მხარეში, თეთრიწყაროს მუნიციპალიტეტში, სოფელ ღოუბნიდან 3 კმ-ის მანძილზე, ე.წ. კოჯრის ტყეში, ქოროღლის ციხის ძირში მდებარეობს. ეს არის ორმოცი სებასტიელი მოწამის სახელზე აგებული ეკლესია და კოშკი.

არქიტექტურა

ტაძარი კუპელჰალეს (კუპელჰალე - ეკლესიის ტიპი, რომელშიც გუმბათის საყრდენად კედლის შვერილებია გამოყენებული და არა ბურჯები). ტიპური ნიშნებით ხასიათდება. ამ ტიპის ოცი ქართული ეკლესიაა შემორჩენილი. საკურთხევლის ნახევარწრიულ აფსიდს ორივე მხარეს გეგმაში სწორკუთხა პასტფორიუმები აქვს. საკურთხეველი კარით სამკვეთლოს უკავშირდება, ცენტრალურ სივრცეში ორივე გვერდითა სათავსი გასასვლელით გამოდის. გუმბათი ეყრდნობა სამკვეთლოს, საკურთხევლის კუთხეებსა და გრძივი კედლებიდან გამოსულ შვერილთა ერთ წყვილს. ეკლესიას ორი შესასვლელი აქვს – ერთი დასავლეთით, მეორე სამხრეთით, რომელიც ამ მხარეს მიშენებული კარიბჭე-სამრეკლოდან გადის. სამხრეთი კარი მკლავის ცენტრალურ ღერძსაა აცდენილი – ის შვერილისაკენ, კუთხისკენაა ჩაცურებული. ჩრდილოეთ და დასავლეთ მკლავებში სარკმლები ცენტრალურ ღერძზე იჭრება. საკურთხევლის აფსიდში ერთი სარკმელია, თითო-თითო პასტოფორიუმების აღმოსავლეთ კედელშია გაჭრილი, გუმბათის ყელში კი რვა სარკმელია. ღოუბნის შიდა კედლები სადაა, პლასტიკურად დამუშავებული. გუმბათქვეშა თაღებიცა და დასავლეთ კუთხის უბეებიც შეისრულია.
რესტავრაციისას დასავლეთი ფასადი ერთიანი, ორფერდა გადახურვით აღუდგენიათ, ხოლო აღმოსავლეთი ცენტრში აღმართული ჯვრის მკლავით. თუმცა, გარე მასებისა და გადახურვების თავდაპირველი აგებულება ზუსტად ვერ დგინდება.
ეკლესიას დასავლეთ და ჩრდილოეთ მხარეს მინაშენები ჰქონდა, დღესდღეობით მათი ნანგრევებიღაა დარჩენილი. ეკლესიის ფასადები ძუნწად არის გაფორმებული. დეკორირებისას მთელი ყურადღება გუმბათზეა გადატანილი, რომელიც ძირში წრიულია, ზემოთ კი – რვაწახნაგა. ეკლესიის სამხრეთ ფასადთან სწორკუთხა, მასიური კოშკია. იგი შედარებით მოგვიანებითაა აგებული. კოშკის კიბის საფეხურად 1722 წლის საფლავის ქვა გამოუყენებიათ.


როგორ მივიდეთ

ღოუბნის ეკლესიასთან მიდის გრუნტიანი სამანქანო გზა სოფელი ღოუბნიდან. ეკლესია თბილისი - თეთრიწყაროს მაგისტრალიდან 6 კილომეტრითაა დაშორებული.

თეგები: #ისტორია #ეკლესია #კულტურა #მონასტერი

ახლოს მდებარე ტურები

რუკა

ტურები ქვემო ქართლში

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ღოუბნის "ორმოცნი"

საშინელი!

ცუდი!

კარგი!

ძალიან კარგი!

შესანიშნავი!